قۇدايمەن كەزدەسۋ ءۇشىن 372 ءدىني سەكتانت اشتان ولگەن

قازا تاپقاندار سانى 372 ادامعا جەتتى، دەپ حابارلايدى قازاقپارات انادولى اقپارات اگەنتتىگىنە سىلتەمە جاساپ.

ەكسگۋماتسيا وپەراتسيانىڭ ءتورتىنشى كەزەڭىنىڭ ءۇشىنشى كۇنى ءوتتى.

پوليتسيانىڭ مالىمەتىنشە، بيىلعى ساۋىردەن باستاپ پاستور پول ماككەنزي باستاعان سەكتادان 95 ادام شىعارىلدى. اشىعۋدان امان قالعان بۇل ادامدار ەندى قوعامعا قايتا ەنۋ ءۇشىن قاجەتتى قولداۋ الادى.

بۇعان دەيىن كەنيانىڭ ىشكى ىستەر ءمينيسترى كيتۋرە كينديكي سەكتاعا ادامداردى جالداۋعا مۇمكىندىك بەرگەن قۇقىق قورعاۋ ورگاندارىنىڭ قىزمەتكەرلەرى زاڭ الدىندا جاۋاپقا تارتىلاتىنىن مالىمدەدى.

بيلىك ادامدار جاپپاي جەرلەنگەن 40 ورىندى انىقتادى.

كەنياداعى «ىزگى حابار» حالىقارالىق شىركەۋىن باسقاراتىن ماككەنزي سەكتاسىنىڭ قىزمەتىن تەرگەۋ اياسىندا ءساۋىر ايىنىڭ ورتاسىنان باستاپ كيليفي وكرۋگىنىڭ شاكاحولا ورمانىنان جۇزدەگەن ءمايىت تابىلدى.

ول ءىزباسارلارىنا اقىر زامانعا دەيىن اسپانعا جەتۋ ءۇشىن اشتان ءولۋدى بۇيىردى دەپ ايىپتالۋدا.

كەيبىر قۇربانداردىڭ ىشكى ورگاندارى كەسىلگەن، بۇل ادام اعزالارىنىڭ ساۋداسىنا كۇدىك تۋعىزدى.

اۆتور:

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى