ەلەنا رىباكينا ءبىر جىلدا 370 ەيس جاساپ، الەمدە ەكىنشى بولدى

قازاقستان تەننيس فەدەراتسياسىنان ءمالىم ەتكەندەي، ءبىرىنشى ورىنعا 63 ماتچتاعى 394 ەيسپەن WTA قورىتىندى ءتۋرنيرىنىڭ چەمپيونى، فرانسيالىق كارولين گارسيا كوتەرىلدى.

ەكىنشى ساتىعا ە. رىباكينا جايعاسسا، رەسەيلىك ۆەرونيكا كۋدەرمەتوۆا (59 ماتچ، 265 ەيس) ۇزدىك ۇشتىككە ىلىكتى.

2020 -جىلى ە. رىباكينا 193 ەيسپەن ايەلدەر تەننيسى قاۋىمداستىعىندا (WTA) وزىق شىققان ەدى.

ەرلەر اراسىندا ا ت ر قورىتىندىسى بويىنشا قازاقستاننىڭ ءبىرىنشى راكەتكاسى الەكساندر بۋبليك التىنشى ورىنعا تابان تىرەدى. ول 55 باسەكەدە 715 ەيسكە قول جەتكىزدى. وتكەن جىلى قازاقستاندىق تەننيسشى بۇل جونىنەن الدىنا جان سالماعان ەدى (62 ماتچ، 840 ەيس) .

ەسكە سالا كەتەيىك، بۇدان بۇرىن ەلەنا رىباكينانىڭ «جىل ويىنشىسى» اتاعىنا ۇمىتكەر ەكەندىگىن، قازاقستاندىق تەننيسشىلەردىڭ الەمدىك رەيتينگىدەگى ورىندارى انىقتالعانىن جازعان بولاتىنبىز.

سونداي- اق قازاقستاندىق تەننيسشى جاپونياداعى ءتۋرنيردى جەڭىسپەن باستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى