ماريام 37 جاسىندا 38 بالانى دۇنيەگە اكەلىپ الەمگە ايگىلى بولدى
بۇل تۋرالى NUR. KZ پورتالى tuko.co.ke سايتىنا سىلتەمە جاساپ حابارلايدى.
كابيمبيري اۋىلىندا تۇراتىن 37 جاستاعى ماريام 13 جاسىندا تۇرمىس قۇرعان. ول التى رەت ەگىز بالالاردى، ءتورت رەت ۇشەمدەردى، ءۇش رەت تورتەمدەردى جانە ەكى رەت ءبىر-ءبىر نارەستەنى دۇنيەگە اكەلەدى. جەرگىلىكتى تۇرعىندار ونى «ەگىزدەپ تۋاتىن انا» اتاپ كەتكەن.
«مەنىڭ اكەمنىڭ ءتۇرلى ايەلدەردەن 45 بالاسى بار. ولاردىڭ دەنى ەگىز، ۇشەم نەمەسە تورتەم بولىپ دۇنيەگە كەلگەن»، - دەيدى ماريام.
دارىگەرلەر ايەلدىڭ گەنى اكەسىنە تارتقان دەگەن بولجام جاساپ وتىر. ماريام كوپ بالانى دۇنيەگە اكەلگىسى كەلمەيتىنىن ايتىپ، اق حالاتتىلارعا جۇگىنگەندە، ولار جۇكتى بولماۋ دەنساۋلىققا زيان ەكەنىن ايتىپ قايتارعان. دەگەنمەن، بۇل شىندىققا جاناسپايدى دەيدى وزگە دارىگەرلەر.
ال بالالاردىڭ اكەسى وتباسىنا مۇلدە قامقورلىق ەتپەي، قاشىپ كەتكەن ەكەن.
«مەنىڭ ىنىلەرىم مەن قارىنداستارىم اكەمنىڭ ءتۇرىن دە بىلمەيدى. مەن ونى سوڭعى رەت 13 جاسىمدا تۇندە قونۋعا كەلگەنىندە كورگەنمىن»، - دەيدى ايەلدىڭ 23 جاستاعى ۇلكەن ۇلى چارلز مۋسيسي.
