قازاقستاندا كولىك ۇرلاۋمەن اينالىسقان 36 قىلمىستىق توپ ۇستالدى

ونىڭ سوزىنە قاراعاندا، اۆتوكولىك ۇرلاۋ دەرەكتەرىنىڭ 70 پايىزىندا بۇرىن وسىنداي قۇقىققا قايشى ارەكەتتەر جاساعان جانە تەحنيكالىق قۇرالداردى پايدالانا وتىرىپ، اۆتوموبيلدەردىڭ ەسىگىن اشا الاتىن ادامداردىڭ قاتىسى بار ەكەنى انىقتالىپ وتىر.

«قازىرگى ۋاقىتتا ىشكى ىستەر مينيسترلىگىنىڭ تىركەۋىندە كولىك ۇرلاۋ ساناتى بويىنشا 3086 ادام تۇر. بيىل قابىلدانعان شارالاردىڭ ناتيجەسىندە، ۇرلىق جاساعان جانە بىرەۋدىڭ كولىگىن ءمىنىپ كەتكەنى ءۇشىن 1046 ادام، ونىڭ ىشىندە 68 قىلمىس ەپيزودىن جاساعان 36 قىلمىستىق توپ ۇستالدى. سونىڭ اراسىندا 732 ادام بۇرىن قىلمىستىق جاۋاپكەرشىلىككە تارتىلعان»، - دەدى م. قوجايەۆ ءماجىلىس دەپۋتاتتارىنىڭ ساۋالىنا بەرگەن جاۋابىندا.

بيىل بەينەكامەرا ارقىلى 8892 قىلمىستىڭ بەتى اشىلدى، ونىڭ ىشىندە 226-سى كولىك ۇرلاۋ قىلمىسىنا قاتىستى.

«كەيىنگى 5 جىلداعى اۆتوكولىك ۇرلاۋ مەن بىرەۋدىڭ كولىگىن ءمىنىپ كەتۋ ارەكەتىنە قاتىستى قىلمىستارىعا جۇرگىزىلگەن تالداۋعا توقتالساق، وسى قىلمىستاردىڭ 51,8 پايىزعا ازايعانىن بايقاۋعا بولادى»، - دەدى ءمينيستردىڭ ءبىرىنشى ورىنباسارى.

فوتو: Axel Heimken/DPA/TASS

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى