قازاقستاندا 36 گرادۋسقا دەيىن اپتاپ بولادى

«قازگيدرومەت» سينوپتيكتەرى 27-29- ساۋىرگە ارنالعان اۋا رايى بولجامىن ۇسىندى.

مەتەورولوگتاردىڭ ايتۋىنشا، اتلانتيكالىق تسيكلوننىڭ اسەرىنەن كەزەڭنىڭ باسىندا رەسپۋبليكا اۋماعىندا اۋا تەمپەراتۋراسى 15-26 گرادۋسقا دەيىن، قازاقستاننىڭ وڭتۇستىك بولىگىندە 28-36 گرادۋسقا دەيىن كوتەرىلەدى.

«كەزەڭنىڭ سوڭىندا سولتۇستىك-باتىس انتيتسيكلونىنىڭ اۋىتقۋىمەن قازاقستان اۋماعىنىڭ باسىم بولىگىندە اۋا تەمپەراتۋراسى تۇندە، ەلدىڭ سولتۇستىگىندە 3 گرادۋس ايازدان 5 گرادۋس جىلىعا، كۇندىز 8-15 گرادۋس جىلىعا دەيىن تومەندەۋى مۇمكىن.

رەسپۋبليكانىڭ وڭتۇستىك وڭىرلەرىندە كۇندىز تەرمومەتر باعاندارى 20-28 گرادۋسقا دەيىن تومەندەيدى. جاڭبىر جاۋادى، وڭتۇستىك ايماقتاردا نايزاعاي وينايدى، سولتۇستىك ايماقتاردا قار ارالاس جاڭبىر، بۇرشاق جاۋىپ، قاتتى جەل تۇرۋى مۇمكىن»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى