بەيجىڭدە ناۋرىز مەرەكەسىنىڭ تويلانعانىنا - 36 جىل
بيىل دا سول داعدى بويىنشا 21 - ناۋرىزدا ورتالىق ۇلتتار ۋنيۆەرسيتەتىندە قازاق ءتىل ادەبيەتى فاكۋلتەتىنىڭ ۇيىمداستىرۋىمەن ارنايى مەرەكەلىك كەش ءوتتى.
بۇل شارا بارىسىندا التاي ايماقتىق فيلارمونياسى ونەر كورسەتتى. سونىمەن بىرگە قىتاي مەملەكەتتىك ءبىرىنشى دارەجەلى ءارتىسى ۋاڭ حۇڭۋەي مەرەكەلىك كەشكە ارنايى كەلىپ، قازاقتىڭ «سارى جايلاۋ» ءانىن ورىندادى.
«ۇلىس وڭ بولسىن، اق مول بولسىن! بارشاڭىزدى ناۋرىز مەرەكەسىمەن قۇتتىقتايمىن! 1982 -جىلدان باستاپ بەيجىڭدەگى قازاقتار ءداستۇرلى ناۋرىز مەرەكەسىن اتاپ ءوتىپ كەلەمىز. مىنە، بيىل 36 جىل تولىپ وتىر. العاشىندا تەك داستارحان باسىندا اتاپ وتەتىنبىز، جىلدان- جىلعا كولەمى ۇلعايدى. سوڭعى كەزدەرى شىنجاڭداعى ىلە وبلىسىنا قاراستى ءۇش ايماقتان ارنايى ونەرپازدار كەلىپ مەرەكەلىك سالەم جولداۋدى داستۇرگە اينالدىردى» ، - دەيدى قىتايداعى بەلگىلى قازاق جازۋشىسى اكپار ءماجيت ۇلى.
اۆتور: ريزابەك نۇسىپبەك ۇلى
