بەلارۋس حالقىنىڭ 36 پايىزى قيىن شاقتا جۇمسايمىن دەپ قارجى جيناعان
بۇل تۋرالى بەلارۋس ۇلتتىق ستاتيستيكا كوميتەتى مالىمدەپ وتىر.
حالىقتىڭ دەنى باسپانا ماسەلەسىن شەشىپ، ءبىلىم الۋ نەمەسە ساياحات جاساۋ ماقساتىندا قاراجات جينايدى ەكەن. شارۋا قوجالىقتارىندا جۇرگىزىلگەن زەرتتەۋلەرگە سۇيەنسەك، رەسپوندەنتتەردىڭ ۇشتەن ءبىرى جيعان- تەرگەندەرىن تابىس تاپپاعان جاعدايدا جاراتۋدى جوسپارلاعان.
قازىر ادامدار اقشانى ۇنەمدەپ جۇمساپ، كوبىنە جيناقتاۋعا تىرىسادى ەكەن. ساراپشىلار الەمدىك داعدارىس جاعدايىندا بۇل ءۇردىستى دۇرىس سانايدى.
اندرەي بوريچيەۆسكي، بەلارۋس ۇلتتىق ستاتيستيكا كوميتەتى باسپا ءسوز قىزمەتىنىڭ جەتەكشىسى:
- بىلتىر بەلارۋس رەسپۋبليكاسىنداعى وتباسىلاردىڭ 68 پايىزى قاراجات جيناقتاعان. كوبىنەسە ازاماتتار جيعان- تەرگەندەرىن پاتەر ساتىپ الۋعا نەمەسە باسپاناسىنا كۇردەلى جوندەۋ جۇمىستارىن جاساۋعا جۇمساماق بولعان. تەك 7 پايىزى قارجىسىن ءبىلىم الۋ ماقساتىندا جاراتۋدى جوسپارلاعان.
www.24.kz
