قازاقستاننىڭ ماشينا جاساۋ كاسىپورىندارىنىڭ 36 مامانى گەرمانيادا وقىپ قايتادى
مامانداردى دايارلاۋ قازاقستاننىڭ كاسىپورىندارىندا ءوندىرىستى ۇيىمداستىرۋ دەڭگەيىن ارتتىرۋ جونىندەگى وزىق تاجىريبەنى يگەرۋگە باعىتتالعان.
تاعىلىمدامادان وتۋشىلەر جەتەكشى وقىتۋ ورتالىقتارىندا پراكتيكالىق جاتتىعۋلارعا قاتىسادى، گەرمانيانىڭ وزىق كاسىپورىندادارىندا وقىتىلادى، نەمىستىك وندىرىستە ەڭ جاڭا تەحنولوگيالاردى قولدانۋ تاجىريبەسىن زەرتتەپ، ۇيرەنەدى. بۇل تۋرالى ق ر ينۆەستيتسيا جانە دامۋ مينيسترلىگىنە سىلتەمە جاساپ، strategy2050.kz حابارلادى.
وقىتۋدىڭ مازمۇنى قازاقستاندىق كاسىپورىنداردىڭ قاجەتى مەن مۇقتاجدىعىن ەسكەرە وتىرىپ جاسالادى. بۇگىنگى تاڭعا وعان SAP اۆتوماتتىق باسقارۋ، ەنەرگيا ۇنەمدەۋ، ساپانى باسقارۋ، ەڭبەك قاۋىپسىزدىگى مەن قورعاۋ، ەكولوگيالىق مەنەدجمەنت، وندىرىستىك لوگيستيكا جانە باسقا باعىتتار ەنگىزىلگەن.
ينجەنەر- تەحنيك ماماندارىن تاعىلىمدامادان وتكىزۋ باعدارلاماسىن جالپى ىسكە اسىرۋدى ق ر ينۆەستيتسيا جانە دامۋ مينيسترلىگى «بولاشاق» حالىقارالىق باعدارلامالار ورتالىعى (ح ب و) جانە گەرمانيانىڭ حالىقارالىق ىنتىماقتاستىق جونىندەگى قوعاممەن بىرلەسىپ 2013- جىلدان باستاپ اتقارىپ كەلەدى.
بۇل باعدارلاما جوعارى ينجەنەر- تەحنيك ءبىلىمى بار، جالپى ءوتىلى 3 جىلدان كەم ەمەس جانە ماماندىعى بويىنشا ءوتىلى 12 ايدان كەم ەمەس باسقارۋدىڭ ورتا بۋىنعى ينجەنەر- تەحنيكتەرگە ارنالعان. 2013 - جىلى ينجەنەر- تەحنيك قىزمەتكەرلەرىنە ارنالعان تاعىلىمدامادان ماشينا جاساۋ كاسىپورىندارىنىڭ 19 قىزمەتكەر ساتىمەن ءوتىپ شىقتى. ول كاسىپورىنداردىڭ ىشىندە «لوكوموتيۆ قۇراستىرۋ زاۋىتى» ا ق، «ازيا اۆتو» ا ق، «كاراگانداليفت» ج ش س، «جىگەر مۋنا سەرۆيس» ج ش س، «تىنىس» ا ق، «كەنتاۋ ترانسفورماتورنىي زاۆود» ا ق جانە باسقالارى بار.
سونىمەن قاتار، «قۇرىلىس ماتەريالدارىن شىعارۋ» باعىتى بويىنشا توپقا قابىلداۋ جالعاستىرىلۋدا. وعان قاتىسۋشىلار تاعىلىمدامادان 2015 - جىلعى ناۋرىز ايىندا وتەتىن بولادى.
