جايلى مەكتەپ: ەكى جىلدا جاڭا فورماتتاعى 369 مەكتەپ سالىنادى
بۇل تۋرالى كەشە ۇكىمەتتە پرەمەر-ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن وتكەن كەڭەستە ايتىلدى، دەپ حابارلايدى قازاقپارات ۇكىمەت سايتىنا سىلتەمە جاساپ.
مەملەكەت باسشىسىنىڭ تاپسىرماسى بويىنشا «جايلى مەكتەپ» ۇلتتىق جوباسى جۇزەگە اسىرىلىپ كەلەدى، ونىڭ شەڭبەرىندە 2024-2025-جىلدارى 740 مىڭ وقۋشىعا ارنالعان، جاڭا فورماتتاعى 369 مەكتەپ سالىنادى.
بۇگىندە ءبىلىم بەرۋ مەكەمەلەرىن تەحنولوگيامەن جاراقتاندىرۋ ستاندارتتارىن جاساۋ بويىنشا جۇمىس جۇرگىزىلدى. الدىن الا جاسالعان تىزىمدە جيھاز، كورنەكى قۇرالدار، وقۋ، كومپيۋتەرلىك، مۋزىكالىق، ينتەراكتيۆتى جانە سپورتتىق جابدىقتار قاراستىرىلعان. ايتا كەتۋ كەرەك، «اتامەكەن» ۇ ك پ- مەن بىرلەسىپ وتاندىق تاۋار وندىرۋشىلەردىڭ ۇلتتىق جوباعا قاتىسۋ ماسەلەسى پىسىقتالعان.
جاڭا مەكتەپتەر جەتى ءتۇرلى بولادى: 300، 600، 900، 1200، 1500، 2000 جانە 2500 ورىندىق. قازىرگى ۋاقىتتا مەكتەپتەردىڭ قۋاتتىلىعى بويىنشا فورەسكيزدىك جوبالارى، كولەمدىك جوسپارلاۋ شەشىمدەرى «مەمساراپتاما» ر م ك- مەن الدىن الا كەلىسىلىپ، ءتيىستى جۇمىستاردى جۇرگىزۋ ءۇشىن بارلىق وڭىرلەرگە جىبەرىلگەن.
«جايلى مەكتەپ» ۇلتتىق جوباسىن ىسكە اسىرۋ اپاتتى جاعدايداعى، ءۇش اۋىسىمدى جانە ورىن تاپشى مەكتەپتەر ماسەلەلەرىن شەشۋگە، سونداي-اق ءبىلىم ساپاسىن ارتتىرۋعا جانە وقۋ ءۇشىن قولايلى جاعداي جاساۋعا مۇمكىندىك بەرەدى.
