ۇ ق ك شەكارا قىزمەتى تەرروريستەرگە قارسى وپەراتسيا كەزىندە 366 ادامدى ۇستادى

ولاردىڭ التاۋى قارسىلىق كورسەتۋ كەزىندە جاراقات الدى، دەپ حابارلايدى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ. قىلمىسكەرلەردى قولعا ءتۇسىرۋ كەزىندە: 30 بىرلىك قارۋ (تەگىس ۇڭعىلى – 22، كارابين – 3، تاپانشا - 5)، 245 بىرلىك وق- ءدارى، 2 بىرلىك سۋىق قارۋ؛ 8 راديوستانتسيا، 4 برونەجيلەت تاركىلەندى.

ۇستالعانداردان 200 دەن استام ۇيالى تەلەفون، ساندىق تەحنيكا (پلانشەتتەر، نوۋتبۋكتەر)، حالىق تۇتىناتىن تاۋارلار (15 قوراپ پارفيۋمەريا، 267 شولمەك سپيرتتىك ىشىمدىكتەر) جانە قوماقتى قارجى سوماسى تاركىلەندى. سونداي- اق، كۇدىكتىلەر تىزگىندەگەن 29 اۆتوكولىك، ءدىني ادەبيەتتەر مەن زاڭسىز ميتينگتەردى ۇيىمداستىرۋ ءتارتىبى بويىنشا ادىستەمەلىك قۇرالدار الىندى.

«شەكارا قىزمەتىنىڭ بولىمشەلەرى تۇراقتى جاۋىنگەرلىك ازىرلىكتە، شەكارا كۇزەتى كۇشەيتىلگەن رەجيمدە جۇزەگە اسىرىلۋدا»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى