دەمالىس كۇندەرى ەلدىڭ كەي وڭىرىندە 35 گرادۋسقا دەيىن ىستىق بولادى
دەمالىس كۇندەرى اتموسفەرالىق فرونتالدى بولىكتەردىڭ اسەرىنەن قازاقستاننىڭ باسىم بولىگىندە قۇبىلمالى اۋا رايى كۇتىلەدى. كۇن كۇركىرەپ، جاڭبىر جاۋادى، تۇندە ەلدىڭ وڭتۇستىك- شىعىسىنداعى تاۋلى اۋدانداردا جاۋىن- شاشىن (جاڭبىر، قار) كۇتىلەدى.
ەلدىڭ سولتۇستىگى، ورتالىعى مەن شىعىسى ءالى دە سولتۇستىك- باتىس انتيسيكلوننىڭ ىقپالىندا بولادى، سوندىقتان مۇندا اۋا رايى نەگىزىنەن جاۋىن-شاشىنسىز بولادى، ال تۇندە 5 گرادۋسقا دەيىن ۇسىك بولادى.
كۇندىزگى تەمپەراتۋراعا كەلەتىن بولساق، تەرمومەتر باعانالارى رەسپۋبليكا بويىنشا بىرتىندەپ 20-30 گرادۋسقا دەيىن، ەلدىڭ وڭتۇستىگىندە 35 گرادۋسقا دەيىن، تەك سولتۇستىك- شىعىس، شىعىس جانە رەسپۋبليكانىڭ ورتالىعىندا 15-25 گرادۋسقا دەيىن جوعارىلاۋى بولجانادى.
