بۇگىن الماتىدا اۋا تەمپەراتۋراسى + 35 گرادۋسقا دەيىن كوتەرىلەدى

وسىعان بايلانىستى الماتى قالالىق توتەنشە جاعدايلار دەپارتامەنتى قالا تۇرعىندارى مەن قوناقتارىن تاۋلى- ورماندى جەرلەردە اشىق وتتى پايدالانۋ، وت جاعۋ، قۇرعاق جانە ورىلعان ءشوپتى ورتەۋ ءقاۋىپتى ەكەنىن ەسكەرتتى.

«ەستەرىڭىزگە سالايىق، ەرەكشە قورعالاتىن تابيعي اۋماقتاردا جانە بەلگىلەنبەگەن جەرلەردە وت جاققانى ءۇشىن، ورمان شارۋاشىلىعى مەكەمەلەرىنىڭ قىزمەتكەرلەرى «اكىمشىلىك قۇقىق بۇزۋشىلىق تۋرالى» كودەكستىڭ 367-بابى بويىنشا اكىمشىلىك ايىپپۇل سالۋعا ۋاكىلەتتى.

جەكە تۇلعالارعا سالىناتىن ايىپپۇل سوماسى 10-نان 100-ايلىق ەسەپ كورسەتكىشكە دەيىن بەلگىلەنگەن، ياعني، 30 مىڭ 630 تەڭگەدەن باستاپ 306 مىڭ 300 تەڭگە دەيىن جەتەدى. ءورتتىڭ زاردابى اۋىر بولسا كىنالىلەر قىلمىستىق جاۋاپقا تارتىلۋى دا مۇمكىن»، - دەپ ەسكەرتتى قالالىق تجد وكىلدەرى.

ەسكە سالايىق، كەشە الماتىدا كوكتوبەدەن ءورت شىعىپ، ول ساعات 20:35-دە ءور ت تولىق سوندىرىلگەنىن حابارلاعانبىز.

سونداي-اق، جەلىدە الماتىدا اعاشتاردى ورتەپ جاتقان ادامنىڭ ۆيدەوسى تاراعان بولاتىن. الماتى پوليتسياسىنىڭ حابارلاۋىنشا، اعاشتاردى ورتەپ جاتقان ادامنىڭ ۆيدەوسى تۇسىرىلگەن جەر انىقتالدى. قازىر بۇل وقيعا بويىنشا تەكسەرۋ جۇمىستارى باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى