قوستانايدا جىل باسىنان بەرى 35 مىڭ كولىك قۇراستىرىلدى

ەكونوميكا جانە بيۋدجەتتىك جوسپارلاۋ باسقارماسى وتكەن 11 ايدىڭ قورىتىندىسىن جاريالادى. جالپى وبلىس بويىنشا ءار سالادا ءوسىم بايقالادى. اتاپ ايتقاندا، ونەركاسىپ ءوندىرىسىنىڭ ءوسىمى %7، وڭدەۋ سالاسى %19,2، اۋىل شارۋاشىلىعى %20,3، قۇرىلىس جۇمىستارى %22,7 عا ۇلعايدى.

«جىل باسىنان بەرى وبلىستىڭ ونەركاسىپ كاسىپورىندارى 1,3 تريلليون تەڭگەنىڭ ءونىمىن ءوندىردى، ونىڭ ىشىندە وڭدەۋ ونەركاسىبىندە 782,9 ميلليارد تەڭگەگە قول جەتكىزدى. تەك ماشينا جاساۋ سالاسىنداعى ءوندىرىس كولەمى 1,5 ەسە ارتتى. اۆتوموبيل جاساۋ ءوندىرىسىن ۇلعايتۋ جالعاسۋدا. «سارىارقااۆتوپروم» كومپانياسى بۇگىنگە دەيىن 35 مىڭنان استام اۆتوكولىك قۇراستىردى. جىل سوڭىنا دەيىن تاعى 5 مىڭعا جۋىق تەحنيكا شىعارۋ جوسپارلانعان. شەتەلدەرگە 7191 اۆتوموبيل ەكسپورتتالدى. اۆتوبۋس قۇراستىرۋ دا جاقسى قارقىن الدى. 11 اي ىشىندە 1041 اۆتوبۋس نارىققا شىقتى، بۇل وتكەن جىلدىڭ سايكەس كەزەڭىمەن سالىستىرعاندا 2,4 ەسە ارتىق»، - دەدى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلبارام مۇساعازينا.

اۋىل شارۋاشىلىعىندا جالپى ءونىم كولەمى 559 ميلليارد تەڭگەدەن استى. جەكەلەي العاندا قامىستى، ناۋىرزىم، اۋليەكول، قاراسۋ، ءجىتىقارا اۋداندارى ەڭ جوعارى ناتيجەلەر كورسەتكەن. ۇزىنكول جانە قارابالىق اۋداندارىندا اۋىل شارۋاشىلىعى كورسەتكىشتەرىنىڭ تومەندەۋى بايقالدى. جالپى وبلىس ەكونوميكاسىنا 2020 -جىلى 287,1 ميلليارد تەڭگە ينۆەستيتسيا تارتىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى