قازاقستاندا بيىل 35 مىڭ جاس جىگىت اسكەر قاتارىن تولىقتىرادى

«كوكتەمدە 17 مىڭ قازاقستاندىقتى اسكەر قاتارىنا شاقىرۋ كوزدەلىپ وتىر. جالپى، اسكەر قاتارىنا شاقىرۋ - جەرگىلىكتى اتقارۋشى ورگاندار مەن وزگە دە مەملەكەتتىك ورگاندار بىرلەسە اتقاراتىن كەشەندى جۇمىس»، - دەدى و ك ق- دا وتكەن باسپا ءسوز ءماسليحاتىندا ق ر قارۋلى كۇشتەرى باس شتابى ۇيىمداستىرۋ- جۇمىلدىرۋ جۇمىستارى دەپارتامەنتى جاساقتاۋ باسقارماسىنىڭ باستىعى، دەپارتامەنت باستىعىنىڭ ورىنباسارى ازامات دۋسيموۆ.

ونىڭ ايتۋىنشا، جالپى بيىل قازاقستاندا 35 مىڭعا جۋىق جاستاردى اسكەر قاتارىنا الۋ كوزدەۋدە. قازىرگى تاڭدا ۇلتتىق گۆارديا، شەكارا قىزمەتىمەن بىرلەسكەن قورعانىس مينيسترلىگىنىڭ نەگىزگى تاپسىرمالارىنىڭ ءبىرى - قارۋلى كۇشتەر قاتارىنا شاقىرىلۋشىلار تۋرالى الدىن الا مالىمەتتى زەردەلەۋ بولىپ وتىر.

«اتا- انالارىمەن، اسىراپ الۋشىلارىمەن، كورشىلەرى مەن ۋچاسكەلىك پوليتسياسىمەن كەڭەس جۇمىستارى جۇرگىزىلىپ جاتىر. جاستاردىڭ مورالدىق جانە جىگەرلى قاسيەتتەرى، دەنساۋلىق جايلارى، ءبىلىمى مەن وتباسىلىق جاعدايلارى بويىنشا جيناقتالعان مالىمەتتەردىڭ نەگىزىندە اسكەرگە شاقىرىلۋشىلار تۋرالى ناقتى اقپارات بەلگىلى بولادى»، - دەدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى