اتىشۋلى ۆيدەودان كەيىن استانادا 35 توننا شىرىگەن قاربىز جويىلدى

ق ر ا ش م اگروونەركاسىپتىك كەشەنىندەگى وسىمدىكتەر كارانتينى بويىنشا مەملەكەتتىك ينسپەكتسيا باسقارماسىنىڭ باسشىسى سىمبات قالياسقاروۆ جالپى سالماعى 35 توننا قاربىز ساتىلىمنان الىنىپ، جويۋعا جىبەرىلگەنىن حابارلادى.

«بۇل ءونىمدى ساتىلىمنان العىزدىق. ءونىمنىڭ ساتىلىمنان الىنۋى ونىڭ تەز ارادا جويىلاتىنىن بىلدىرەدى. بىزدەگى اقپاراتقا سايكەس، اتالعان ءونىمنىڭ جالپى سالماعى 35 توننانى قۇراعان»، - دەدى ول.

ونىڭ ايتۋىنشا، قازاقستاننىڭ وڭتۇستىك وڭىرلەرىندە، اتاپ ايتقاندا، و ق و، جامبىل جانە  قىزىلوردا وبلىستارىندا قاۋىن شىبىنى بەلەڭ الدى. «جىل سايىن قاۋىن شىبىنىمەن كۇرەسۋگە قارجى بولىنەدى جانە ولاردى اۋىزدىقتاۋ مەن جويۋ ءۇشىن كارانتيندىك شارالار جۇرگىزىلەدى. بالكىم، بۇل قاربىزدار قاۋىن شىبىنىنان بۇزىلعان شىعار»، - دەپ اتاپ ءوتتى س. قالياسقاروۆ.

سونىمەن بىرگە، مەملەكەتتىك ينسپەكتسيا وكىلى قاربىزداردىڭ بۇل پارتياسىنىڭ سەرتيفيكاتتالماعانىن حابارلادى.

«وسىمدىكتەر كارانتينى تۋرالى زاڭعا سايكەس، ق ر اۋماعىنا تاراعان كارانتيندىك وبەكتىلەردىڭ ءتىزىمى بار. بۇل تىزىمدە قاۋىن شىبىنى دا كورسەتىلگەن. كارانتينگە جاتقىزىلعان ءونىمنىڭ وبلىسارالىق تاسىمالداۋدىڭ ءوز تارتىپتەرى بار. كارانتينگە جاتقىزىلعان ءونىمدى تاسىمالداعان جاعدايدا كارانتينتىك سەرتيفيكاتتىڭ بولۋى مىندەتتى. بۇل قۇجات كارانتيندىك ءونىمنىڭ جاعدايىنان حابار بەرەدى. بۇل جاعدايدا 35 توننا قاربىز سەرتيفيكاتسىز تاسىمالدانعان»، - دەدى ول.

ەسكە سالا كەتسەك، كەشە الەۋمەتتىك جەلىدە استانا بازارلارىنىڭ بىرىنە جەتكىزىلگەن شىرىگەن قاربىزدار تۋرالى بەينەجازبا تارادى. وندا اق حالاتتى ايەل «الاش» بازارىنداعى قاربىزداردى كەسىپ كورسەتىپ، ولاردىڭ جەۋگە جارامسىز ەكەنىن ايتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى