ءۇش جىلدا قازاقستانداعى قىتايلىق كومپانيالار سانى 35 پايىزعا ءوستى

بۇل تۋرالى بۇگىن ەلوردادا ءوتىپ جاتقان ورتالىق ازيانىڭ قاۋىپسىزدىگىنە ارنالعان جىل سايىنعى 14- كونفەرەنسيادا ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى.

«2016 -جىلدىڭ باسىندا قازاقستاندا 600 دەن استام قىتايلىق كومپانيا ءوز قىزمەتىن جۇزەگە اسىرعان بولاتىن. بۇل 2013 -جىلمەن سالىستىرعاندا جالپى 35 پايىزعا ءوسىمدى كورسەتىپ وتىر»، - دەدى ە. قارين.

ونىڭ ايتۋىنشا، تىركەلگەن قىتايلىق كومپانيالاردىڭ باسىم بولىگى ساۋدا جانە قۇرىلىس سالاسىندا جۇمىس ىستەيدى.

«قازاقستاندا جۇمىس ىستەيتىن شەتەلدىك قاتىسۋشىلارى بار كومپانيالار سانى بويىنشا قىتاي رەسەي، تۇركيا، نيدەرلاندى جانە گەرمانيادان كەيىن 5- ورىندا تۇر. بۇل بەس ەلدىڭ ۇلەسىندە 9 مىڭنان استام كومپانيا بار»، - دەدى ول.

ينستيتۋت ديرەكتورىنىڭ دەرەكتەرىنە قاراعاندا، 2010-2015 -جىلدارى قىتايدان قازاقستانعا كەلگەن شەتەلدىك ينۆەستيتسيانىڭ جالپى كولەمى 10 ميلليارد ا ق ش دولللارىنان اسىپ جىعىلادى. بۇل كورسەتكەش بويىنشا قىتاي 4- ورىندا تۇر.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى