سەلدەن جاپا شەككەندەردى قولداۋعا 35 ميلليون تەڭگەدەن استام قاراجات جينالدى
قايىرىمدىلىق اكسياسىن «جاڭا الاتاۋ» قوعامدىق قورى ۇيىمداستىردى. بۇل تۋرالى سەل سالدارىن جويۋ بويىنشا قۇرىلعان جەدەل شتاب وكىلدەرى حابارلادى.
تابيعات اپاتىنان زارداپ شەككەن ناۋرىزباي اۋدانىنىڭ تۇرعىندارىن ماتەريالدىق تۇرعىدان قولداۋعا «جاڭا الاتاۋ» قوعامدىق قورى حالىق بانكىنەن شوت اشقان بولاتىن.
قورعا تۇسكەن قارجى نۇقسان كەلگەن الەۋمەتتىك عيماراتتاردى، ينفراقۇرىلىم نىساندارىن قايتا قالپىنا كەلتىرۋگە باعىتتالاتىن بولدى.
شوت رەكۆيزيتتەرى:
قور اتاۋى: «جاڭا الاتاۋ» قورى
قور ب ج ن: 080740011034
قور شوتى: KZ826010131000165601
بانك بيك- ءى: HSBKKZKX « «قازاقستان حالىق بانكى» ا ق
КБЕ 18
ەستەرىڭىزگە سالا كەتەيىك، 23- شىلدە كۇنى قارعالى وزەنىندە سۋ دەڭگەيى كوتەرىلىپ، الماتى قالاسىنىڭ جوعارى جاعىن سەل باستى. ناۋرىزباي اۋدانىنىڭ بىرنەشە ەلدى مەكەنى سۋ استىندا قالدى. وقيعا سالدارىنان 900 ادام ەۆاكۋاتسيالاندى.
اۆتور: گۇلميرا عوسمانالي
