فرانسيادا 35 جاستاعى ەر ادام باستىعىنىڭ باسىن كەسىپ، سۋرەتكە تۇسكەن
سەلفي ۇلگىسىندەگى فوتوسۋرەتتى «WhatsApp» حابارلاما قىزمەتى ارقىلى سولتۇستىك امەريكادا تىركەلگەن نومىرگە جىبەرگەن. سۋرەتتى الۋشىنىڭ ەسىمى انىقتالۋ ۇستىندە.
ليون ماڭىنداعى سەن-كانتەن-فاللاۆە زاۋىتىنا جۇما، 26- ماۋسىم كۇنى شابۋىل جاسالدى. كولىكتىك كومپانيانىڭ قىزمەتكەرى قىزمەتتىك كولىگىمەن كاسىپورىننىڭ اۋماعىنا كىرىپ، ودان كەيىن دالادا تۇرعان گاز باللوندارىنا سوعىلعان. قويما جۇمىسشىلارىنىڭ ەشبىرى زارداپ شەككەن جوق، الايدا وقيعا ورنىندا ەر ادامنىڭ باسى كەسىلىپ جاتقانى جانە يسلام اتىن جامىلعان سودىرلاردىڭ تۋلارى انىقتالدى.
شابۋىل جاسادى دەگەن كۇدىكپەن 35 جاستاعى ياسين سالي ەسىمدى ادام ۇستالدى. پاريج پروكۋراتۋراسى وكىلىنىڭ ايتۋىنشا، ازىرگە ول كىناسىن مويىنداعان جوق.
