استانادا 35 فوتوتىركەۋ اپپاراتتىق كەشەنى ورناتىلدى
استانا قالاسى ءى ءى د اكىمشىلىك پوليتسيا باسقارماسىنىڭ حابارلاۋىنشا، بيىل تاجىريبە رەتىندە «استانا يننوۆەيشن» ا ق تەستىلىك تارتىبىندە قالانىڭ قوزعالىسى قارقىندى كوشەلەردە «ۆوكورد» كومپانياسىنىڭ 35 اپپاراتتىق كەشەنى (بۇدان ءارى - ا پ ك)، سونىڭ ىشىندە 25 «ۆوكورد- تسيكلوپ» جانە 10 «ۆوكورد-تراففيك» ورناتىلدى.
«ۆوكورد-تراففيك» - بۇل تولىق فۋنكسيالى جول قوزعالىسىن باقىلاۋ جۇيەسى، اۆتوكولىك نومىرلەرىن تانۋدان بولەك، كەلەسى جول قوزعالىسى ەرەجەلەرىنىڭ بۇزىلۋىن اۆتوماتتى رەجيمدە تىركەيدى:
1. جىلدامدىقتى ارتتىرۋ؛
2. جولداعى ورتاشا جىلدامدىقتى ارتتىرۋ؛
3. جول قيىلىسىنداعى ءتارتىپ بۇزۋشىلىق: باعدارشامنىڭ قىزىل جارىعىنا جولدى كەسىپ ءوتۋ، توقتاۋ سىزىعىنان اسىپ كەتۋ، تىيىم سالىنعان جەرلەردە بۇرىلۋ، باعدارشامنىڭ قوسىمشا سەكسياسى جانىپ تۇرعاندا بۇرىلۋ؛
4. جالپاق تۇتاس سىزىقتى كەسىپ ءوتۋ؛
5. جولدىڭ قارسى باعىتىنا شىعۋ؛
6. رۇقسات ەتىلمەگەن جەردە تۇرۋ جانە توقتاۋ؛
7. تەمىرجول وتپەلەرىنەن وتكەندە ەرەجە بۇزۋ؛
8. باسقارىلمايتىن جاياۋ جۇرگىنشىلەر جولىندا جاياۋ جۇرگىنشىگە جول بەرمەۋ؛
9. قوعامدىق كولىككە بەلگىلەنگەن سىزىقپەن ءجۇرۋ جانە ت. ب..
جول قوزعالىسى ەرەجەلەرىن بۇزۋدى تىركەيتىن باعدارلامالىق- اپپاراتتىق كەشەن VOCORD Net Cam4 جوعارى شەشىمدى كامەرالارىمەن، رادارلارمەن، يمپۋلسيۆتى ي ك- پروجەتورلارىمەن، كروستاۋ قۇرىلعىلارىمەن، كوشە سەرۆەرلەرى مەن باعدارلامالىق قامتۋمەن جابدىقتالعان.
اۆتوكولىك نومىرلەرىن انىقتايتىن فوتوتىركەۋ كامەرالارىنان بولەك، جول قيىلىستارىندا باعدارشامدارعا باعىتتالعان شولۋشى بەينەباقىلاۋلار ورناتىلادى. باعدارشامنىڭ قىزىل ءتۇسى شامى جانعاندا توقتاۋ سىزىعىنان اسىپ قيىلىسقا وتكەن اۆتوكولىك ەرەجە بۇزۋ بولىپ تابىلادى. شولۋشى بەينەباقىلاۋ كامەرالارى تۇسىرگەن سۋرەتتەر قوسىمشا دالەل رەتىندە پايدالانىلادى.
پوليتسيا قىزمەتكەرلەرىنىڭ ايتۋىنشا، بۇگىندە اتالعان كەشەندەر تەستىلىك تارتىپتە قولدانىلۋدا. ولاردىڭ جۇمىسىنىڭ ناتيجەسىنە بايلانىستى اپپاراتۋرانى ىسكە قوسۋ ماسەلەسى شەشىلەتىن بولادى.
