ا ق ش-تا 35 جىل ىشىندەگى مۇناي سالاسى قىزمەتكەرلەرىنىڭ ەڭ ءىرى ەرەۋىلى باستالدى

وعان توعىز ءىرى مۇناي وڭدەۋ زاۋىتىنىڭ 3,8 مىڭ قىزمەتكەرى قاتىسۋدا.

 كوتەرىلىسكە شىققاندار جالاقى كولەمىنىڭ كوتەرىلۋىن تالاپ ەتۋدە. شارانى باستاۋ شەشىمىن امەريكانىڭ مەتاللۋرگيالىق ءوندىرىس قىزمەتكەرلەرىنىڭ بىرىككەن كاسىبي وداعى قابىلدادى. ول 230 دان استام امەريكالىق مۇناي وڭدەۋ زاۋىتى مەن حيميالىق كاسىپورىندار جۇمىسشىلارىنىڭ مۇددەسىن قورعايدى، دەپ جازدى تاسس.

ءۇش جىلدىق ۇجىمدىق كەلىسىمشارتتىڭ مەرزىمى وتكەن جەكسەنبىدە اياقتالعان. سەنبى كۇنى كاسىپوداق ۇسىنىلعان كەلىسىم شارتتىڭ بەسىنشى نۇسقاسىنان باس تارتتى.

«مۇناي كومپانيالارى وتە ساراڭ، ولارتابىستى ادامداردىڭ دەنساۋلىعى مەن قاۋىپسىزدىگىنەن جوعارى باعالايدى»، - دەدى كاسىپوداقتىڭ ۆيتسە-پرەزيدەنتى توم كونۋەي.

ەرەۋىلشىلەر ەڭبەكاقىنى كوتەرۋ، جۇمىستان تىس ساعاتتى شەكتەۋ، جانە سۋبمەردىگەرلەر تاراپىنان باسەكەلەستىكتەن قورعاۋ تالاپتارىن قويۋدا.

ەرەۋىل باستالعان مۇناي وڭدەۋ زاۋىتتارى كاليفورنيا، تەحاس، كەنتۋككي جانە ۆاشينگتون شتاتتارىندا ورنالاسقان. ولار LyondellBasell, Marathon Oil, Shell جانە Tesoro كومپانيالارىنىڭ يەلىگىندە. ولار ا ق ش-تىڭ 10 پايىزى مۇنايىن قايتا وڭدەيدى. ءبىرقاتار كاسىپورىندا ءوندىرىس كولەمى باسەڭدەدى.

ب ا ق اتاپ وتكەندەي، جۋىق ارادا جاڭا ەڭبەك كەلىسىمشارتى جاسالماسا، كاسىپوداقتىڭ قاراماعىنداعى بارلىق 63 مۇناي وڭدەۋ زاۋىتى قوسىلۋى مۇمكىن. ولار ەلدەگى مۇنايدىڭ 64 پايىزىن وڭدەيدى ەكەن.

ساراپشىلاردىڭ ايتۋلارىنا قاراعاندا، ا ق ش-تاعى مۇناي سالاسى قىزمەتكەرلەرىنىڭ ەرەۋىلى الەمدىك نارىقتاعى مۇناي باعاسىنىڭ تومەندەۋىنە اكەلۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى