بىلىكتىلىكتى ارتتىرۋ كۋرستارىنان 356 وقىتۋشى وتەدى - استانا
استانا قالاسى ءبىلىم باسقارماسىنىڭ حابارلاۋىنشا، بيىل 356 وقىتۋشى جاڭا جۇيەدەگى بىلىكتىلىكتى ارتتىرۋ كۋرستارىنان وتپەك. بىرنەشە كەزەڭنەن تۇراتىن جاڭا جۇيەگە سايكەس، وقىتۋشىلاردىڭ ەڭبەكاقىسىنا ءار دەڭگەيدە ۇستەمەاقى تولەنەدى.
ءبىرىنشى دەڭگەي ءۇشىن ءتيىستى ەڭبەكاقىعا %100، ەكىنشىگە - %70، ال ءۇشىنشى دەڭگەيگە - %30 ۇستەمەاقى قوسىلادى.
ءبىلىم باسقارماسىنىڭ مالىمەتىنشە، ءبىرىنشى دەڭگەي بويىنشا 58، ەكىنشى دەڭگەي بويىنشا 34، ءۇشىنشى دەڭگەي بويىنشا 245 وقىتۋشىنىڭ بىلىكتىلىگىن ارتتىرۋ كوزدەلىپ وتىر. سونىمەن قاتار، ءبىلىم بەرۋ مەكەمەلەرىنىڭ 19 جەتەكشىسى دە ارنايى كۋرستان وتەدى. بىلتىرعى جىلدىڭ قورىتىندىسى بويىنشا، استانا قالاسىندا 438 وقىتۋشى بىلىكتىلىكتى ارتتىرۋ كۋرسىنان وتكەن بولاتىن.
