حالىقارالىق پروكاتقا شىعاتىن «كوكبورىلەر تۋرالى اڭىز» فيلمنىڭ بيۋدجەتى - 350 ميلليون تەڭگە

مادەنيەت جانە سپورت مينيسترلىگىنىڭ مالىمەتىنشە، م ەملەكەت يندۋستريا ماماندارىنا بەلسەندى قولداۋ كورسەتە باستادى. جىل سوڭىنا دەيىن كىشكەنتاي كورەرمەندەرگە بىرنەشە زاماناۋي مۋلتفيلمدەر ۇسىنىلادى.

«قازاقستاندىق انيماتسيا رەنەسسانستى باستان كەشۋدە. ءبىز كرەاتيۆتى شەشىمدەردى ۇسىنا بىلەتىن، زاماناۋي، قىزىقتى ءونىم جاسايتىن تالانتتى جاستارعا قولداۋ كورسەتەمىز. جۋىردا ءبىز جاڭا جوبالارعا سەرپىن بەرىپ، جاس مۋلتيپليكاتورلاردىڭ بىلىكتىلىگىن ارتتىرۋ ماقساتىندا«قازاق انيماتسيا» شىعارماشىلىق بىرلەستىگىن قۇردىق. ءبىز بىرنەشە بايقاۋ جاريالادىق، قازىردىڭ وزىندە تىرناقالدى ناتيجەلەردى كورىپ وتىرمىز. ءبىزدىڭ باستى تالابىمىز - بالالار ءۇشىن ساپالى، قىزىقتى، لايىقتى مۋلتفيلمدەردى شىعارۋ»، - دەپ اتاپ ءوتتى داۋرەن ابايەۆ.

مينيستر حالىقارالىق پروكاتقا شىعاتىن«اشينا. كوكبورىلەر تۋرالى اڭىز» تولىقمەتراجدى مۋلتفيلمىن جاساۋ جۇمىستارىمەن تانىستى. ونىڭ شىعۋى 2024 -جىلدىڭ باسىنا جوسپارلانعان، انيماتسيالىق فيلمنىڭ جالپى بيۋدجەتى 350 ميلليون تەڭگەنى قۇرايدى.

«ءبىر عانا انيماتسيالىق فيلمدى جارىققا شىعارۋ ءۇشىن 50-گە جۋىق مامان ەڭبەك ەتىپ جاتىر. بۇل كارتينا بىرنەشە كەزەڭنەن تۇراتىن ۇلكەن ەڭبەكتى، ۋاقىتتى قاجەت ەتەدى. ارينە، ەڭ الدىمەن، ساراپشى، تاريحشىلارمەن كوپتەگەن كەزدەسۋلەر وتكىزىپ، سسەناري جازدىق. كەيىن كەيىپكەرلەردىڭ سۋرەتىن سالىپ، D3 مودەلدەۋ، تەكستۋرالىق D3 فورماتىندا جۇمىس ىستەدىك. سۋرەتشىلەردىڭ ەڭبەگىنەن كەيىن انيماتورلار مەن ۆيزۋاليزاتورلار ۆيزۋالدى ەففەكتىلەردى قوسىپ جاتىر. ءبىز ءىشىنارا مونتاجداۋ جۇمىستارىنا كىرىسىپ كەتتىك، جۇمىس قارقىندى جۇرۋدە. جوبانىڭ باسى- قاسىندا ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەكتەرى ءجۇر، وسى مۋلتفيلمدى جاساپ جاتقان دا سولار، مۇنى قۋانا اتاپ وتكىم كەلەدى»، - دەدى ستۋديا ديرەكتورى ءدىلشات راحماتۋللين.

فوتو: gov.kz

رەداكتور

اسحات رايقۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى