اقان ساتايەۆتىڭ «ول» فيلمى رەسەيدىڭ 350 كينوتەاترىندا كورسەتىلەتىن بولدى

 رەسەيدە جەرلەسىمىز اقان ساتايەۆتىڭ جاڭا كارتيناسى 30- قاراشادان باستاپ كورەرمەنگە جول تارتادى.

بەلگىلى قازاقستاندىق رەجيسسەر اقان ساتايەۆتىڭ «ول» كينوتۋىندىسى -  «XX عاسىر فوكس» دۇنيەجۇزىلىك ديستريبيۋتورىنىڭ اتىنان رەسەيدە كەڭىنەن تارالاتىن العاشقى وتاندىق فيلم. بۇل -  ۇلكەن قالادا جاپادان- جالعىز تۇراتىن جاس ايەل مەن كىشكەنتاي قىز جايلى پسيحولوگيالىق تريللەر.

 ايسۇلۋ ازىمبايەۆا، اكتريسا:

 -  مەنى قازاقستاندىق كينوداعى ايەلدەردىڭ ءرولى تۋرالى ماسەلە تولعاندىردى. فيلمنىڭ رەجيسسەرى اقان ساتايەۆقا ايەلدەر وقيعاسى تۋرالى فيلم ءتۇسىرۋ يدەياسىن ۇسىندىم. بۇل -  راسىمەن، ايەل تۋرالى، انا مەن بالا قارىم- قاتىناسى تۋرالى كينو. كەڭىنەن الىپ قاراساق، تۋىندى ايەل جانىنىڭ كۇيزەلىسى جايىندى.

ەرنار قۇرماشيەۆ، فيلم پروديۋسەرى:

 -  تريللەر جانرى ەلىمىزدىڭ كينەماتوگرافيا سالاسىندا اسا تانىمال ەمەس. شىنىمدى ايتسام، بۇل بىزگە ۇلكەن تاجىريبە بولدى. قازاقستان ءۇشىن بۇل -  حالىقارالىق نارىققا ساتا الاتىنداي ەرەكشە كينو.

رەسەيدە فيلمنىڭ تۇساۋكەسەرى «ماسكەۋ» كينوتەاترىندا ءوتتى. ەكى رەت «تۇلپار» كينو جۇلدەسىنىڭ يەگەرى اتانعان تريللەردىڭ كورسەتىلىمى كورەرمەندەرگە ەرەكشە اسەر قالدىردى.

ايتا كەتەيىك، رەجيسسەردىڭ تاعى ءبىر تۋىندىسى «اناعا اپارار جول» فيلمى «شەت تىلىندەگى ۇزدىك فيلم» نوميناتسياسى بويىنشا «وسكارعا» ۇسىنىلۋى مۇمكىن.

 الىشەر ەگەمبەرديەۆ، «THE JIGITS» توبىنىڭ مۇشەسى:

-  ءبىز رەسەي جەرىندە قازاق فيلمىنىڭ العاشقى كورسەتىلىمى بولىپ جاتقانىن ماقتان ەتەمىز. بۇل -  ءبىزدىڭ وتاندىق كينو سالاسىنداعى تاعى ءبىر جەڭىسىمىزدىڭ ءبىرى.

ايتا كەتەيىك، قاراشانىڭ سوڭىندا «ول» فيلمى كايردا وتەتىن «ا» كلاسى بويىنشا حالىقارالىق كينوفەستيۆالعا دا قاتىسادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى