اقمولا وبلىسىنداعى «شاپاعات» ورتالىعىندا 34 قاريادان كوروناۆيرۋس انىقتالدى، ەكى ادام قايتىس بولدى

«اقمولا وبلىسى جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ «شاپاعات» ارناۋلى الەۋمەتتىك قىزمەت كورسەتۋ ورتالىعى نۇر- سۇلتان قالاسىنان 5 ك م جەردە، سەلينوگراد اۋدانىنداعى اققايىڭ اۋىلىندا ورنالاسقان. 16- ناۋرىز كۇنى كارانتين جاريالانعان ۋاقىتتا ورتالىقتا قامقورلىققا الىنعان 147 ادام (ازاماتتاردىڭ ورتاشا جاسى - 75) بولدى. سول جەردە جۇمىس ىستەيتىن 74 ادامنىڭ 51 ءى دەمالىس پەن قاشىقتان جۇمىس ىستەۋگە جىبەرىلگەن. 2 -ءساۋىر كۇنى 1947 -جىلعى ازامات قايتىس بولدى. 6 - ساۋىردە 1929 -جىلى تۋعان ايەل ادام ومىردەن ءوتتى. ەكەۋىندە دە كوروناۆيرۋس بەلگىلەرى بولماعان، ىندەت قايتىس بولعاننان كەيىن انىقتالدى»،- دەلىنگەن اقپاراتتا.

وسى وقيعاعا بايلانىستى اقمولا وبلىستىق قىزمەتتەر مەن تاۋارلارلىڭ ساپاسى مەن قاۋىپسىزدىگىن باقىلاۋ دەپارتامەنتى سانيتارلىق- ەپيدەميولوگيالىق تەكسەرۋ جۇرگىزگەن. «بايلانىستا بولعان ادامدار انىقتالىپ، COVID-19 دى انىقتاۋ بويىنشا لابوراتوريالىق تەكسەرۋ جۇرگىزىلدى. ينفەكتسيا جۇقتىرعاندارمەن قارىم- قاتىناستا بولۋىنا بايلانىستى بارلىق قىزمەتكەرلەر مەن قامقورلىققا الىنعان ازاماتتاردان قان تالداۋى الىندى. پ ت ر- زەرتتەۋ ناتيجەسى بويىنشا، 9 - ءساۋىر كۇنى 35 ادامعا COVID-19 دياگنوزى قويىلدى (قامقورلىققا الىنعان 34 ادام مەن 1 قىزمەتكەر ايەل) « ، - دەلىنگەن تاراتىلعان مالىمەتتە. بۇگىندە بارلىق ناۋقاس ينفەكتسيالىق ستاتسيونارعا وقشاۋلاندىرىلدى. بەكىتىلگەن حاتتاماعا سايكەس ەم الىپ جاتىر. ولارمەن بايلانىستا بولعان ادامداردى انىقتاۋ جانە مەديتسينالىق باقىلاۋ جۇمىستارى جالعاسۋدا. 2020 -جىلدىڭ 9 - ءساۋىرى كۇنگى مالىمەت بويىنشا، اقمولا وبلىسىندا 56 ادامنىڭ COVID-19 جۇقتىرعانى راستالدى:

1. سەلينوگراد اۋدانى - 51 جاعداي؛

2. ارشالى اۋدانى - 3 جاعداي؛

3. كوكشەتاۋ قالاسى - 1 جاعداي؛

4. شورتاندى اۋدانى - 1 جاعداي.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى