پارتيالار ماجىلىسكە ۇسىنعان ءاربىر وكىلىنە 342 مىڭ تەڭگە جارنا تولەۋى ءتيىس

«زاڭعا سايكەس، ساياسي پارتيالار پارلامەنت ماجىلىسىنە ۇسىنعان ءاربىر پارتيالىق تىزىمدەگى تۇلعاعا 15 ەڭ تومەنگى جالاقى كولەمىندە جارنا تولەۋى ءتيىس. ول شامامەن 342 مىڭ 885 تەڭگەنى قۇرايدى. ءماسليحات دەپۋتاتتىعىنا ۇمىتكەردىڭ سايلاۋ جارناسى 5 ەڭ تومەنگى جالاقى كولەمىندە. بۇل 114 مىڭ 295 تەڭگە»، - دەدى ول بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

جالپى پارلامەنت ماجىلىسىنە 107 دەپۋتات سايلانادى. ونىڭ ىشىندە 98 دەپۋتات پارتيالىق ءتىزىم بويىنشا، 9 ى قازاقستان حالقى اسسامبلەياسى اتىنان سايلانباق. ال جەرگىلىكتى ءماسليحاتقا 3335 دەپۋتات سايلانادى. ونىڭ ىشىندە وبلىستىق ءماسليحاتتارعا - 550، قالالىق - 625، سونداي-اق 2160 دەپۋتات اۋداندىق دەڭگەيلەردە سايلانادى.

ايتا كەتەيىك، ق ر پارلامەنت ءماجىلىسىنىڭ جانە ءماسليحات دەپۋتاتتارىن سايلاۋ 20- ناۋرىزعا، ق ح ا اتىنان ۇسىنىلاتىن دەپۋتاتتاردىڭ سايلاۋى 21- ناۋرىزعا بەلگىلەندى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى