قازاقستاندا كامەلەت جاسىنا تولماعاندار اراسىندا وزىنە-ءوزى قول جۇمساۋ 34,2 پايىزعا تومەندەدى

بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى ايگۇل تاستانوۆا وسىلاي ءمالىم ەتتى.

ونىڭ سوزىنە قاراعاندا، 2013 -جىلى قازاقستاندا 3506 وزىنە-ءوزى قول جۇمساۋ وقيعاسى تىركەلسە، ونىڭ ىشىندە 292 سى كامەلەت جاسىنا تولماعاندار اراسىندا بولدى. ال 2014 -جىلى بۇنداي 3124 وقيعا ورىن السا، سونىڭ 192 سى كامەلەتكە تولماعاندارعا تيەسىلى.

«مەملەكەتتىك ورگاندار قابىلداعان شارالارىنىڭ ناتيجەسىندە وزىنە- ءوزى قول جۇمساۋدىڭ ازايۋى 10,9 پايىزدى قۇراسا، كامەلەت جاسىنا تولماعاندار اراسىندا 34,2 پايىزعا كەمىدى»، - دەدى ا. تاستانوۆا.

ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسپۋبليكالىق پسيحياتريا، پسيحوتەراپيا جانە ناركولوگيا عىلىمي- پراكتيكالىق ورتالىعى ديرەكتورىنىڭ عىلىمي جانە كلينيكالىق جۇمىستارى جونىندەگى ورىنباسارى نيكولاي نەگاي وزىنە- ءوزى قول جۇمساۋدىڭ الدىن الۋ باعدارلامالارىن جۇزەگە اسىرۋدىڭ ەكى نەگىزگى كەزەڭىنە توقتالدى.

نيكولاي نەگايدىڭ مالىمدەۋىنشە، 2016 -جىلى بۇۇ بالالار قورىنىڭ (ي ن ي س ە ف) قولداۋىمەن قىزىلوردا وبلىسىندا وزىنە- ءوزى قول جۇمساۋدىڭ الدىن الۋ باعدارلامالاسىن ەنگىزۋ جوسپارلانىپ وتىر. ول اقپاراتتىق، ۇيرەتەتىن جانە ءقاۋىپ- قاتەر توپتارىن انىقتايتىن قۇرامداس بولىكتەردەن تۇرماق.

بەلگىلى حالىقارالىق ساراپشىلاردىڭ قاتىسۋىمەن يۋنيسەف، ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسپۋبليكالىق پسيحياتريا، پسيحوتەراپيا جانە ناركولوگيا عىلىمي- پراكتيكالىق ورتالىعى ايماقتىق اكىمدىكپەن بىرلەسكەن تۇردە ەنگىزەتىن كەشەندى باعدارلاماسى بالالار مەن جاسوسپىرىمدەر اراسىنداعى سۋيتسيدتەن ساقتاۋعا كومەكتەسەدى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى