جول ەرەجەسىن 34 رەت بۇزعان سەمەيلىكتىڭ ايىپپۇلى 1,2 ميلليون تەڭگەدەن استى
اباي وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى 7-ماۋسىمنان باستاپ «بورىشكەر» جەدەل-الدىن الۋ شاراسىن جۇرگىزگەن. اي سوڭىنا دەيىن جالعاسقان شارانىڭ ماقساتى - حالىقتى سالىنعان اكىمشىلىك ايىپپۇلداردى ۋاقتىلى وتەۋ قاجەتتىگى تۋرالى حاباردار ەتۋ.
«سونىڭ ناتيجەسىندە، مەملەكەت بيۋدجەتىنە 3689 اكىمشىلىك ءىس بويىنشا 40,7 ميلليون تەڭگە سوماسىنا اكىمشىلىك ايىپپۇلدار ءوندىرىلدى. مامانداندىرىلعان تۇراقتارعا وتەلمەگەن ايىپپۇلدار ءۇشىن بورىشكەرلەردىڭ 247 كولىگى ورنالاستىرىلدى. 5128 ادام اكىمشىلىك ايىپپۇلدار بويىنشا بەرەشەكتى وتەۋ تۋرالى حاباردار ەتىلدى»، - دەلىنگەن اقپاراتتا.
ماسەلەن، سەمەيدە «سەرگەك قورعاۋ» قوسىمشاسىنىڭ كومەگىمەن پاترۋلدىك پوليتسيا قىزمەتكەرلەرى شەتەلدىك ەسەپتە تۇرعان «Subaru» ماركالى كولىكتى توقتاتتى. ونىڭ جۇرگىزۋشىسى جول ەرەجەسىن 34 رەت بۇزىپ، 1241000 تەڭگە سوماسىنداعى ايىپپۇلدى تولەمەي جۇرگەن. قۇقىق بۇزۋشىنىڭ كولىگى ايىپپۇلدار تولىق وتەلگەنگە دەيىن مامانداندىرىلعان تۇراققا ورنالاستىرىلدى.
