بەيجىڭدە نوسەر جاۋىن مەن سەلدەن 33 ادام قازا تاپتى

بەيجىڭنىڭ ۆيتسە- ءمەرى سيا لينماو باسپا ءسوز كونفەرەنتسياسىندا ءمالىم ەتكەندەي، 18 ادام ءىز- ءتۇزسىز جوعالعاندار قاتارىندا، ونىڭ ىشىندە قۇتقارۋشى دا بار.

ادامداردىڭ مەرت بولۋىنا كوبىنە سۋ تاسقىنى مەن ۇيلەردىڭ قۇلاۋى سەبەپ بولعان.

ەسكە سالساق، 29-شىلدەدەن 2-تامىزعا دەيىنگى ارالىقتا قىتاي استاناسىنا «دوكسۋري» تايفۋنى ءتونىپ، نوسەر جاۋىن جاۋعان بولاتىن.

ايتا كەتسەك، 25-شىلدەدە وڭتۇستىك قىتايدىڭ گۋاڭدۋڭ پروۆينتسياسىنىڭ سۋ تاسقىنى مەن قۇرعاقشىلىقپەن كۇرەس شتابى «دوكسۋري» تايفۋنى جاقىنداپ قالعانىنا بايلانىستى قاۋىپسىزدىك شارالارىن كۇشەيتكەن ەدى.

27- شىلدە ساعات 6:00 دەگى جاعداي بويىنشا، تايفۋننىڭ تايۆان ارالىنىڭ وڭتۇستىك شەتىنەن 220 شاقىرىمداي جەردە بولىپ، سولتۇستىك- باتىسقا قاراي 10-15 كم/ساع جىلدامدىقپەن جىلجىپ كەلە جاتقانى حابارلاندى.

قىتايدىڭ فۋجياڭ پروۆينتسياسىنىڭ 700 مىڭنان استام تۇرعىنى «دوكسۋري» تايفۋنىنان زارداپ شەكتى. كەيىن زارداپ شەككەندەر سانى 880 مىڭنان استى.

ال، 1- تامىزداعى جاعداي بويىنشا بەيجىڭدە «دوكسۋري» سۋپەر تايفۋنى اكەلگەن نوسەر جاڭبىر مەن سۋ تاسقىنىنان 11 ادام قازا تاۋىپ، 27 ادام ءىز- ءتۇزسىز جوعالعان.

ق ح ر قارجى جانە توتەنشە جاعدايلاردى باسقارۋ مينيسترلىكتەرى بىرلەسىپ، بەيجىڭ- تيانجين- حىبىي ايماعىنداعى سۋ تاسقىنىنا قارسى ءىس- شارالارعا جانە تابيعي اپات سالدارىن جويۋعا 110 ميلليون يۋان (شامامەن 15,43 ميلليون ا ق ش دوللارى) ءبولدى.

سونداي- اق، ق ح ر- دىڭ سۋ تاسقىنى مەن قۇرعاقشىلىققا قارسى مەملەكەتتىك شتابى «حانۋن» تايفۋنىنىڭ جاقىنداۋىنا بايلانىستى 4 دەڭگەيدەگى جەدەل ارەكەت ەتۋ رەجيمىن ىسكە قوستى.

قىتايدىڭ سولتۇستىگىندەگى حىبىي پروۆينتسياسىندا كەيىنگى بىرنەشە كۇندە تولاسسىز جاۋعان جاڭبىر سالدارىنان 1,2 ميلليوننان استام ادام ەۆاكۋاتسيالاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى