مەملەكەت مەنشىگىنە 33 جەر ۋچاسكەسى قايتارىلدى
انتيكوردىڭ مالىمەتىنشە، تەكسەرۋلەر باسەكەلەستىكتى قورعاۋ جانە دامىتۋ اگەنتتىگى ۇسىنعان ماتەريالدار بويىنشا جۇرگىزىلۋدە.
«استانا قالاسىندا، جامبىل، قاراعاندى جانە سولتۇستىك قازاقستان وبلىستارىندا سوتقا دەيىنگى تەرگەپ- تەكسەرۋ بارىسىندا 65 جەر ۋچاسكەسى بەلگىلەندى. ولاردى جەرگىلىكتى اتقارۋشى ورگاندار «Astana»، «تاراز»، «سارىارقا» جانە «سولتۇستىك» ا ك ك ينۆەستيتسيالىق جوبالار ءۇشىن بەرگەن. بۇل رەتتە ا ك ك باسىم قىزمەت تۇرلەرىنىڭ تىزبەسىنە ەنگىزىلگەن ينۆەستيتسيالىق ەمەس جوبالاردى ىسكە اسىرۋ ءۇشىن جەر جانە كاسىپكەرلىك كودەكستەردىڭ تالاپتارىن بۇزا وتىرىپ، زاڭدى تۇلعالارعا جەر ۋچاسكەلەرىن راسىمدەگەن»، - دەپ جازدى ۆەدومستۆو.
مىسالى، قاراعاندى وبلىسىندا 2019-2021 -جىلدار ارالىعىندا قاراعاندى، بالقاش، جەزقازعان جانە ساتبايەۆ قالالارىنىڭ اكىمدىكتەرى «سارىارقا» ا ك ك- نا 36 جەر ۋچاسكەسىن بەرىپ، ونىڭ 14 ءى كاسىپكەرلىك كودەكسىنىڭ نورمالارىن جانە قالالاردىڭ باس جوسپارىن بۇزا وتىرىپ بەرىلگەن.
سولتۇستىك قازاقستان وبلىسىندا پەتروپاۆل قالاسى اكىمدىگىنىڭ قاۋلىلارى نەگىزىندە «سولتۇستىك» ا ك ك ءۇشىن 6 جەر ۋچاسكەسى بەرىلدى. ودان كەيىن ولار ساۋدا- ساتتىقسىز قۇرىلىس سالۋشىلارعا بەرىلدى. استانا قالاسى مەن جامبىل وبلىسىندا دا وسىعان ۇقساس بۇزۋشىلىقتارمەن سايكەسىنشە 8 جانە 5 ۋچاسكە بەرگەن.
«سىبايلاس جەمقورلىققا قارسى قىزمەتتىڭ اۋماقتىق دەپارتامەنتتەرىنىڭ ۇسىنىسى بويىنشا اكىمدىكتەر زاڭسىز بەرىلگەن 33 جەر ۋچاسكەسىن مەملەكەت مەنشىگىنە قايتارعان. وسىلايشا، قابىلدانعان شارالار مەملەكەتتىڭ زاڭمەن قورعالاتىن مۇددەلەرىنە زيان كەلتىرۋدىڭ الدىن الدى»، - دەلىنگەن حابارلامادا.
