الماتى وبلىسىنىڭ باسقارما باسشىسى 33 مىڭ دوللار پارا الدى دەگەن كۇدىككە ءىلىندى
تەرگەۋدى الماتى وبلىسى سىبايلاس جەمقورلىققا قارسى قىزمەتىنىڭ ماماندارى جۇرگىزىپ جاتىر.
باسقارما باسشىسى جاۋاپكەرشىلىگى شەكتەۋلى سەرىكتەستىكتى نىسان قۇرىلىسى بويىنشا مەملەكەتتىك ساتىپ الۋ كونكۋرسىنىڭ جەڭىمپازى دەپ «تانىعان».
ساتىپ الۋ شارتىنىڭ قۇنى 666 ميلليون تەڭگە بولسا، سونىڭ %15 ىن، «كەرى قايتارۋ» رەتىندە الدىن الا كەلىسىلگەن 90 ميلليون تەڭگەدەن 33500 ا ق ش دوللارى سوماسىندا پارا الۋدا كۇدىككە ءىلىندى. ەڭ باستىسى، اتالمىش نىسان «بيزنەستىڭ جول كارتاسى-2025» مەملەكەتتىك باعدارلاماسى اياسىندا بولىنگەن قاراجاتقا سالىنعان.
«لاۋازىمدى تۇلعا، مەردىگەر ۇيىمنىڭ قۇرىلتايشىسى مەن ديرەكتورى اسا ءىرى كولەمدە پارا الۋعا قاتىستى دەگەن كۇدىكپەن ۇستالىپ، الماتى وبلىسىنىڭ ۋاقىتشا ۇستاۋ يزولياتورىنا قامالدى. بۇلتارتپاۋ شاراسىن ماسەلەسى تالقىلانىپ جاتىر. تەرگەۋ جالعاسۋدا. قىلمىستىق ءىستى جۇرگىزۋ كودەكسىنىڭ 201-بابىن بويىنشا تەرگەۋ مۇددەسىندەگى باسقا دا مالىمەتتەر جاريا ەتۋگە جاتپايدى»، - دەپ جازادى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى.
اۆتور: ەسىمجان ناقتىباي
