بولاشاقتا اقىلى جولداردان 33 ميلليارد تەڭگە كىرىس تۇسەدى

بۇل تۋرالى ۇكىمەت وتىرىسىنان كەيىنگى بريفينگتە ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.

«بۇگىندە كوپتەگەن اۆتوموبيل جولدارى جاڭعىرتىلىپ، سالىنىپ جاتىر. سوندىقتان جولداردى ساپالى كۇتىپ ۇستاۋ جانە جولدارداعى قاۋىپسىزدىكتى قامتاماسىز ەتۋ ماسەلەسى وزەكتى بولىپ قالا بەرمەك. مەملەكەتتىك بيۋدجەتكە جۇكتەلىمدى تومەندەتۋ ءارى جولداردى كۇتىپ ۇستاۋ ءوزىن- ءوزى وتەۋىن قامتاماسىز ەتۋ ماقساتىندا استانادان شۋچەگە دەيىنگى اقىلى جول ۇلگىسىندە جاڭعىرتۋدان وتكەن بارلىق اۆتوموبيل جولدارىن اقىلى جۇيەگە كەزەڭ- كەزەڭىمەن ەنگىزۋ جوسپارلانۋدا. مۇنداي شارا 2020 -جىلعا قاراي اقىلى جولداردان الىناتىن الىم كولەمىن 33 ميلليارد تەڭگەگە دەيىن ارتتىرۋعا مۇمكىندىك بەرەدى»، - دەدى مينيستر.

ونىڭ ايتۋىنشا، 2022 -جىلعا قاراي قازاقستانداعى اقىلى جولداردىڭ ۇزىندىعى 7 مىڭ شاقىرىمعا دەيىن جەتەتىن بولادى. وسى رەتتە ول ەلىمىزدەگى ەڭ ءبىرىنشى اقىلى بولعان استانا- شۋچە اۆتجولىنىڭ ورتاشا جىلدىق قارقىندىلىعى تاۋلىگىنە 8 مىڭ كولىكتى قۇرايتىندىعىن اتاپ ءوتتى. بۇل رەتتە تۇسكەن قارجىنىڭ 30 پايىزى جەڭىل كولىكتەن الىنادى. ال قالعانى جۇك كولىكتەرىنە تيەسىلى.

«قولدانىستاعى تاريف شەتەلدەرمەن، ونىڭ ىشىندە كورشىلەس رەسەي مەن قىتايمەن سالىستىرعاندا ءبىرشاما تومەن. بۇل ەلدەردە جەڭىل كولىكتەر ءۇشىن سايكەسىنشە 5 جانە 15 تەڭگەنى قۇرايدى. جۇك كولىكتەرى ءۇشىن تاريف شاقىرىمىنا ورتاشا ەسەپپەن 50 تەڭگە. اعىمداعى جىلى 1,2 ميلليارد تەڭگە جينالادى دەپ جوسپارلانۋدا. بۇل اتالعان جولدى كۇتىپ ۇستاۋعا كەتەتىن شىعىنداردى جابۋعا تولىق جەتەدى»، - دەدى قاسىمبەك.

اۆتور:   مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى