يتتەردى قولعا ۇيرەتۋ 33 مىڭ جىل بۇرىن قايدان باستالعانى انىقتالدى
ۇلكەن ايىرماشىلىقتارىنا قاراماستان، ولاردىڭ بارلىعى سۇر قاسقىردان تاراعان، دەپ حابارلادى شينحۋا.
قىتاي عىلىم اكادەمياسىنىڭ (ق ع ا) كۇنميڭ زوولوگيالىق ينستيتۋتىنىڭ عىلىمي قىزمەتكەرى ۋاڭ گودۋڭنىڭ ايتۋىنشا، ادامنىڭ ءتورت اياقتى دوسىنىڭ پايدا بولۋ تاريحىن ناقتىلاۋ ءۇشىن قىتايلىق عالىمدار توبى الەمنىڭ ءتۇرلى اۋداندارىندا مەكەندەيتىن سۇر ءتۇستى قاسقىرلار مەن ءتۇرلى تۇقىمداعى يتتەردىڭ گەنەتيكالىق ماتەريالىن جيناۋعا ەكى جىل ۋاقىت جۇمساعان. ولاردىڭ اراسىندا شىعىس ازيا، وڭتۇستىك- شىعىس ازيا، ەۋروپا، افريكا جانە سولتۇستىك امەريكا بار.
د ن ك ناتيجەلەرىن تالداۋ نەگىزىندە عالىمدار يتتەردى قولعا ۇيرەتۋ 33 مىڭ جىل بۇرىن شىعىس ازيانىڭ وڭتۇستىگىندە باستالعانىن راستاپ شىقتى. 15 مىڭ جىلعا جۋىق ۋاقىت بۇرىن يتتەر ورتا شىعىستا جانە افريكادا جانە شامامەن 10 مىڭ جىل بۇرىن ەۋروپادا پايدا بولعان. كەيىننەن بۇل ءۇي جانۋارلارى يەلەرىمەن بىرگە امەريكاعا دا قونىستانعان.
