بالاسىنىڭ ءتارتىبىن كوڭىل بولمەگەن 33 اتا-اناعا قاتىستى اكىمشىلىك ءىس قوزعالدى - الماتى
«وسى ۋاقىت ارالىعىندا ءتۇرلى قۇقىق بۇزۋشىلىق جاساعانى ءۇشىن 266 جاس ءوسپىرىم ىشكى ورگاندارعا جەتكىزىلدى. ولاردىڭ ىشىندە 36 بالا ەشكىمى جوق بولعان سوڭ كوشە كەزىپ جۇرگەن. 23 جاس ءوسپىرىم ءارى قاراي اتا-اناسىنىڭ كىم ەكەندىگىن انىقتاۋ ءۇشىن كامەلەتتىك جاسقا تولماعانداردى بەيىمدەۋ ورتالىعىنا جەتكىزىلدى. سونىمەن قاتار، ءتارتىپ بۇزۋشى 37 بالا مەن ءوز بالاسىن تاربيەلەۋدەن قاشىپ وتىرعان 45 اتا-انا ەسەپكە الىندى. ولاردىڭ ىشىندە بالاسىن تۇنگى ۋاقىتتا قاداعالاماي ەركىنە جىبەرە سالعان 33 اتا-اناعا قاتىستى اكىمشىلىك ءىس قوزعالىپ، مامانداندىرىلعان اۋدانارالىق سوتقا جىبەرىلدى»، - دەدى ءى ءى د اكىمشىلىك پوليتسيا باسقارماسىنىڭ يۋۆەنالدى پوليتسيا ءبولىمىنىڭ باسشىسى ءلايلا الىپبايەۆا.
قالالىق ءى ءى د باسپا ءسوز قىزمەتىنىڭ حابارلاۋىنشا، الماتىداعى 7 كومپيۋتەر كلۋبىنىڭ باسشىلىعى كامەلەتتىك جاسقا تولماعان بالالاردى تۇنگى ۋاقىتتا كىرگىزگەنى ءۇشىن اكىمشىلىك جاۋاپكەرشىلىككە تارتىلدى.
اۆتور: گۇلميرا عوسمانالي
