كونە وتىراردان شىققان ۇلى عۇلامالار - ءال-فارابيلەردىڭ سانى 33 كە جەتتى - ءابساتتار دەربىسالى

بۇل تۋرالى بۇگىن الماتىدا «عىلىم ورداسى» ر م ق-نىڭ «جاس عالىمدار» كلۋبى اياسىندا جاس عالىمدارمەن بولعان كەزدەسۋدە ر. سۇلەيمەنوۆ اتىنداعى شىعىس تانۋ ينستيتۋتىنىڭ ديرەكتورى، شىعىستانۋشى، ءدىنتانۋشى، ادەبيەت زەرتتەۋشىسى، فيلولوگيا عىلىمدارىنىڭ دوكتورى ءابساتتار دەربىسالى مالىمدەدى.

«مەنىڭ وسى سالادا زەرتتەۋ جۇمىستارىن جۇرگىزىپ جاتقانىما 40 جىلعا تايادى. ءبىر قىزىعى، سوناۋ 10- عاسىردان بەرى قاراي، شامامەن 14-  عاسىرعا دەيىن وتىراردان شىققان عۇلامالار ءال-فارابي بولىپ اتالىپ كەلگەن. ارابتار ول كەزدە وتىرار شاحارىن فاراب دەپ اتاعان.

بەرتىن كەلە، عۇلامالار ءال-وتىراري دەپ اتاي باستاعان. نەگە؟ بىلمەيمىن. دەگەنمەن، اراب دەرەكتەرىندە وتىرار قالاسىنىڭ اتاۋى 8- عاسىردان باستاپ كەزدەسەدى» - دەدى ءا. دەربىسالى.

عالىمنىڭ ايتۋىنشا، كۇنى بۇگىنگە دەيىن 33 ءال-فارابي انىقتالىپ وتىر. ولار:

1. ابباس ءال جاۋحاري ءال-فارابي

2. ءابۋ ناسىر ءال-فارابي

3. ءابۋ يبراحيم يسحاك ءال-فارابي

4. يسمايل ءال جاۋحاري ءال-فارابي

5. ءالاماددين ءال جاۋحاري ءال-فارابي

6. ءابۋمۇحامماد ءال مۇقادداسي ءال-فارابي

7. ءابىلفادى سىدىق ءال- ارابي

8. ساادالمۇلك ءال ۋاسيدجي ءال-فارابي

9. ءابۋحابز ومار يبن ءال حاسان ءابديقان ءال-فارابي

10. ياحيا بين احماد ابۋ زاكاريا ءال-فارابي

11. احمەد ءال-فارابي

12. ءمۇحاماددىن حۇسەين ءناجيدادين ءال ۋسۋرشاني مۇحامماد بين حۇسەين ءال-فارابي

13. ارراحاسان ءال-فارابي

14. ءابىلفادى تاحير يبن مۇحامماد ءال-فارابي

15. ابدوللا بين مۇحامماد بين يۋسۋب ناسىر ءال-فارابي ءالازي

16. ءابۋالي حاسان ءال-فارابي

17. ءابداسسامات ءال-فارابي

18. بۇرحاناددين احمەد ءال-فارابي

19. ءابىلقاسىم ءالفاريابي ءال-فارابي

20. ماحمۇد ءال-فارابي 

21. قااۋماددين ءال-فارابي

22. ءامىرعالي يبن امىركافي ءال-فارابي

23. ۋنداداددين ءال-فارابي

24. قيوماددين ءال-فارابي

25. ءالاادين ءابىلحاريس ءال-وتراري

26. ءمادجيداددين ءال- وتراري

27. سايد دجالالاددين ءاليقادي ءال-وتراري

28. ماۋدو مۇحامماد ءال-فارابي

29. بادراددين ءال-فارابي

30. حوساماددين ءابۋ الي احمەد ءال-وتراري

31. ءابدۇللاتيپ ءال-فارابي

32. كاماللادين ءابۋناسىر ءيۋسۇف ءال-فارابي

33. مۇحامماد ابدوللا ءال-فارابي

 «مۇحامماد ابدوللا ءال-فارابي سوڭعى جارتى جىلدىڭ توڭىرەگىندە تابىلدى، - دەدى ءابساتتار دەربىسالى. - بۇل جونىندە ماعان ءبىر كىسى كومەكتەستى. ول: «ءسىز وسى ءال-فارابيلەردى ىزدەپ ءجۇرسىز عوي. مىنا مۇحامماد ابدوللا ءال-فارابي دەگەن ورتاعاسىرلىق عۇلاما ءسىزدىڭ تىزىمىڭىزدە جوق. بۇل كىسىنىڭ كىتابى امەريكانىڭ پرينستون ۋنيۆەرسيتەتىنىڭ كىتاپحاناسىندا جاتىر» - دەدى. بۇل عۇلاما ءوز زامانىندا لوگيكا سالاسىنىڭ مامانى بولعان ەكەن. سونىمەن ءال-فارابيلەردىڭ سانى 33 كە جەتىپ وتىر.»

ايتا كەتەلىك، بۇگىنگى كەزدەسۋدىڭ تاقىرىبى «تاۋەلسىز قازاقستان جانە ورتاعاسىرلىق قازاق جەرىنىڭ ۇلى عۇلامالارى» دەپ اتالدى.

كەزدەسۋگە عىلىم اكادەمياسىنا قاراستى ون عىلىمي-زەرتتەۋ ينستيتىنىڭ جاس عالىمدارى قاتىستى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى