استانا تۇرعىنى ۇيالى بايلانىس كومپانياسىنا 335 مىڭنان استام تەڭگە تولەيتىن بولدى
ءىس ماتەريالدارى بويىنشا، 2015 -جىلى جىلى ەلوردا تۇرعىنى دۋبايدا (ب ا ءا) بولعان. شەتەلگە شىقپاس بۇرىن ول تەلەفونىنا 4750 تەڭگە بىرلىك سالعان. اتالعان جەرگە جەتكەن سوڭ «كسەلل» ا ق ۇيالى بايلانىس وپەراتورىنان ETISALAT روۋمينگ- سەرىكتەستىگىن قوسۋ تۋرالى ۇسىنىس جازىلعان حابارلاما كەلىپ تۇسكەن.
الايدا، ەر كىسى پايدالانىلاتىن ينتەرنەت مولشەرى، روۋمينگ تاريفتەرىنىڭ قۇنى، ۇيالى تەلەفونداعى قوسىمشالاردىڭ اۆتوماتتى جاڭارتىلۋىن ءوشىرۋ تۋرالى «كسەلل» ا ق- نان ەسكەرتۋ الا وتىرىپ، عالامتوردى قولدانا بەرگەن. بىرلىگىن تەكسەرگەن ۋاقىتتا ەر كىسى 335117 تەڭگە قارىز بولعانىن ءبىلدى.
«استانا قالاسىنداعى سارىارقا اۋداندىق سوتى ءىس ماتەريالدارىمەن تانىسىپ، «كسەلل» ا ق- نىڭ قايتا ەسەپتەۋ جانە 335117 تەڭگە كولەمىندەگى قارىزدى قايتارۋ تۋرالى مىندەتتەۋ تالاپتارىن قاناعاتتاندىرۋدى قابىل المادى. استانا قالالىق اپەللياتسيالىق سوت القاسىنىڭ ۇكىمىمەن، العاشقى سوت شەشىمى وزگەرۋسىز قالدى. شەشىم زاڭدى كۇشىنە ەندى»، - دەپ حابارلادى سوتتىڭ باسپا ءسوز قىزمەتى.
