تارباعاتاي حالقى قابانباي باتىردىڭ 330 جىلدىعىن اتاپ ءوتىپ جاتىر
تارباعاتاي اۋدانىنىڭ ورتالىعى اقجار اۋىلىندا قاراكەرەي قابانبايدىڭ 330 جىلدىق مەرەيتويى «بابالار ەرلىگى - ۇلتقا مۇرا، ۇرپاققا ۇلگى» اتتى عىلىمي-تەوريالىق كونفەرەنسيادان باستالدى.
باتىردىڭ ەرلىگىن ۇلىقتاۋ شاراسىنا قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، «كەتبۇعا-تولەگەتاي» حالىقارالىق قورىنىڭ ۇيلەستىرۋشىسى ماناربەك مۇحامەدجانوۆ، فيلوسوفيا عىلىمدارىنىڭ دوكتورى نۇرداۋلەت اقىش، اسكەري تاريحشى قايرات ساعاتاي ۇلى، اقىن، فيلولوگيا عىلىمدارىنىڭ دوكتورى جانات اسكەربەك، تارباعاتاي اۋدانىنىڭ اكىمى دارحان جورگەكبايەۆ جانە باسقا دا تاريحشى، عالىمدار قاتىسىپ، دارابوز قابانباي باتىردىڭ جاۋگەرشىلىك زامانداعى قاھارماندىعىن، قولباسشىلىعىن بايان ەتتى.
«قاراكەرەي قابانباي قاتىسپاعان بىردە-ءبىر ءىرى شايقاس بولماعان. قابانباي باتىر جەكپە-جەككە 103 رەت شىعىپ، بارلىعىندا جەڭىسكە جەتكەن. قازاق باتىرلارىنا باس، ەرلىك ىستەرگە ۇيىتقى بولعان ۇلى قولباسشى ءوز كەزەڭىندە اتتى اسكەر سوعىسىنىڭ مىقتى ستراتەگى، جەكپە-جەكتىڭ تەندەسى جوق شەبەرى ەدى»، - دەيدى اسكەري تاريحشى قايرات ساعاتاي ۇلى.
قاراكەرەي قابانباي قازاق جەرىن جاۋدان ازات ەتۋدە الپىس جىل ات ۇستىنەن تۇسپەي، جوڭعار شاپقىنشىلىعى كەزىندە ەرەن ەرلىكتىڭ ۇلگىسىن كورسەتكەن.
مەرەيتوي الامان بايگە، ات شابىس، سپورتتىق جارىستار مەن كونسەرتتىك باعدارلامالارمەن جالعاسپاق. باتىر ءارۋاعىنا ارناپ اس تا بەرىلەدى.
