330 مىڭنان استام قازاقستاندىق كولىك سالىعىن تولەمەي ءجۇر
استانا. KAZINFORM - ەلىمىزدە كولىك سالىعى بويىنشا بەرەشەك وڭىرلەر بەلگىلى بولدى.
مەملەكەتتىك كىرىستەر كوميتەتىنىڭ مالىمەتى بويىنشا 335 مىڭ جەكە تۇلعانىڭ كولىك سالىعى بويىنشا 10,7 ميلليارد تەڭگە قارىزى بار.
كولىك سالىعى بويىنشا بەرەشەك وڭىرلەر:
- الماتى قالاسى 2,1 ميلليارد تەڭگە (39 مىڭ جەكە تۇلعا)؛
- استانا قالاسى 1,3 ميلليارد تەڭگە (33 مىڭ جەكە تۇلعا)؛
- شىمكەنت قالاسى 885 ميلليون تەڭگە (28 مىڭ جەكە تۇلعا)،
- شىعىس قازاقستان وبلىسى 213 ميلليون تەڭگە (8 مىڭ جەكە تۇلعا)
ەسكە سالا كەتسەك، بىلتىر ماۋسىمدا جەكە تۇلعالاردىڭ كولىك سالىعى تومەندەۋى مۇمكىندىگى تۋرالى جازعان بولاتىنبىز.
سونداي-اق ءماجىلىس دەپۋتاتى بەرىك بەيسەنعاليەۆ جاڭا سالىق كودەكسىندە كولىك سالىعىن جانارماي باعاسىنا قوسۋ ەسكەرىلمەگەنىن ايتقان ەدى.
ودان بولەك، جاڭا سالىق كودەكسى جوباسىندا ەسكى كولىك سالىعى %50 عا تومەندەيتىنى ايتىلدى.
