اتىراۋ وبلىسىندا المانىڭ 32 تۇرىنەن شىرىن وندىرەتىن سەح اشىلدى

ماحامبەت اۋدانىنىڭ سارايشىق اۋىلىندا الما، ليمون شىرىنى مەن كۆاس سۋسىنىن وندىرەتىن سەح جۇمىس ىستەي باستادى. جاڭا سەحتىڭ جۇمىسىمەن اتىراۋ وبلىسىنىڭ اكىمى ماحامبەت دوسمۇحامبەتوۆ تانىستى.

سەحتا تاۋلىگىنە 2 توننا الما، 1,5 توننا ليمون شىرىنى مەن 1,5 توننا كۆاس سۋسىنىن وندىرىلەدى.

«ءبىز المانىڭ 32 تۇرىنەن شىرىن شىعارامىز. الداعى جىلى 500 تونناعا دەيىن الما شىرىنىن شىعارۋ جوسپاردا تۇر. دايىن ءونىمدى ازىرگە تەك اتىراۋ وبلىسىندا تارالادى. كەيىن باتىس وڭىردەگى وبلىستار مەن رەسەي ەلىنە ەكسپورتتايمىز. ويتكەنى، ەكولوگيالىق تازا ءونىمنىڭ جارامدىلىق مەرزىمى 14 كۇن بولعاندىقتان، الىسقا تاسۋ مۇمكىندىگى بولماي تۇر. ءونىم 80 پايىزى كوكونىستەن، 20 پايىزى سۋدان تۇرادى. سۋ ءۇش مارتە سۇزگىدەن وتەدى. سەحتا ازىرگە 8 ادام جۇمىس ىستەيدى. ءبىراق، كوكتەم، جاز مەزگىلىندە جۇمىسشىلار 60 ادامعا دەيىن كوبەيەدى. جۇمىسقا جەرگىلىكتى تۇرعىندار تارتىلادى. الداعى جىلدىڭ قاڭتارىندا گەرمانيادان تەحنولوگتار كەلىپ، ءبىزدىڭ ماماندارعا ءدارىس بەرەدى. وقۋ مەرزىمى ەكى ايعا سوزىلادى. وسىلايشا، قىزمەتكەرلەرىمىز جوعارى دارەجەدەگى مامان بولىپ شىعادى»، - دەيدى تەحنولوگ تاميلا روزمەتوۆا.

سارايشىق اۋىلىندا ورنالاسقان «اتىراۋ اگرو ونىمدەرى» سەرىكتەستىگى - اتىراۋ وبلىسىندا ازىق- تۇلىك بەلدەۋىن قالىپتاستىرۋدا ەرەكشە ۇلەسى بار كاسىپورىن. ەشكى سۇتىنەن قۇنارلى ءونىم تۇرلەرىن نارىققا ۇسىنىپ وتىرعان كاسىپورىن ەكولوگيالىق تابيعي تازا بالدى دا شىعارادى. قازىر كاسىپورىن جەرگىلىكتى 50 تۇرعىندى تۇراقتى جۇمىسپەن قامتىپ وتىر. بۇعان دەيىن 35 ادام ەشكى ءسۇتى زاۋىتىندا، 15 ادام الما باعىندا ەڭبەك ەتىپ كەلسە، ەندى شىرىن سەحى ارقىلى تاعى 8 ادام تۇراقتى جۇمىسقا ورنالاسقان.

اۆتور: بەك مۇستافا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى