كەڭ كابينەتتەن باس تارتقان استاناداعى اۋداندىق اكىمدىك 32 ميلليون تەڭگە ۇنەمدەدى
مەملەكەتتىك ورگاندار مەن ۇيىمداردا كليەنتكە باعىتتالعان ورتا قۇرۋ جۇمىستارى جۇرگىزىلىپ جاتىر.
«بارلىق وڭىردە مەملەكەتتىك مەكەمە باسشىلارى ءبىرىنشى قاباتقا شىنى اينەكپەن قورشالعان كابينەتتەرگە كوشىرىلىپ جاتىر. كەدەرگىسىز فرونت- كەڭسەلەر، بەك- كەڭسەلەر جانە open-space جۇمىس ورىندارى اشىلۋدا. تىكەلەي ماعىناسىندا مەملەكەتتىك قىزمەتشىلەر مەن ازاماتتار اراسىنداعى قاشىقتىق ازايىپ كەلەدى»، - دەدى ول سىبايلاس جەمقورلىققا قارسى ۇلتتىق بيۋرودا وتكەن بريفينگتە.
و. بەكتەنوۆ زاماناۋي اشىق فورماتقا اۋىسقان ەلوردالىق سارى ارقا اۋدانى اكىمدىگىنىڭ تاجىريبەسىن مىسالعا كەلتىردى.
«قابىرعالاردى ءسۇرىپ، كەڭ كابينەتتەردەن باس تارتۋ ارقىلى اۋقىمدى كەڭىستىك ۇنەمدەلدى. قىزمەتكەرلەردىڭ اراسىن شىنى اينەكتەر عانا ءبولىپ تۇر. اكىم ءبىرىنشى قاباتتاعى 17 شارشى مەترلىك كابينەتكە كوشىرىلدى. كەز كەلگەن تۇرعىن قابىلداۋ بولىمىندە بوگەلمەستەن، اكىم بولمەسىنە تىكە كىرە الادى. عيماراتتىڭ مىڭ شارشى مەتردەن اساتىن ەكىنشى قاباتى تۇگەل بوساتىلدى. وسىلايشا، جالعا الۋ قۇنى بويىنشا ءبىر جىلدا 32 ميلليون تەڭگە ۇنەمدەلدى»، - دەدى ورىنباسار.
ونىڭ ايتۋىنشا، رەسپۋبليكادا 100-دەن استام مەملەكەتتىك مەكەمەلەر ءدال وسىنداي وزگەرىستەردەن ءوتتى. سونىمەن بىرگە، مەكتەپ ديرەكتورلارى كەڭ كابينەتتەرىن وقۋشىلارعا بەرىپ، كىرەبەرىسكە اۋىسادى.
