قازاقستان تەلەارناسىندا 32 سەريالى «قىزدار» تەلەحيكاياسى ەفيرگە شىعادى - فوتو
تەلەحيكايا «قازاقستان» رەسپۋبليكالىق تەلەراديوكورپوراتسياسىنىڭ تاپسىرىسى بويىنشا «كوركەم فيلم» كينوستۋدياسىمەن تۇسىرىلگەن.
حيكايا سيۋجەتى ءبىر- بىرىنە مۇلدەم ۇقسامايتىن ءتورت بويجەتكەن وقيتىن قازاقستاندىق بەدەلدى جوعارى وقۋ ورىندارىنىڭ بىرىندە ءوربيدى. ولاردىڭ ەكەۋى - ايلان مەن مەرەي اۋقاتتى وتباسىنان شىققان قىزدار. ال ايزەرە مەن قانەكەي - ءومىر بويى وزدەرىنە عانا سەنىپ ۇيرەنگەن جاندار. تورتەۋى ەشقاشاندا دوس بولماس ەدى، ءبىراق ولاردى بىرىكتىرگەن ءبىر- اق نارسە بار - جۋرنال شىعارۋ ءىسى. جاي عانا جۋرنال ەمەس، ەڭ ۇزدىك، زاماناۋي، ءساندى، ءارى تانىمال جۋرنال شىعارۋ ءىسى!
رەداكسيا قۇرۋ جانە جۋرنالدا قىزمەت ەتۋ جالپىلاما وقيعالاردىڭ الاڭىنا اينالادى. جاستار ءۇشىن ماڭىزدى بولىپ تابىلاتىن ماحاببات پەن دوستىق، العاشقى ومىردەن ءتۇڭىلۋ مەن ايىرىلىسۋلار، جاقىن ادامدارعا دەگەن ادالدىق پەن وتانىنا دەگەن قارىم- قاتىناس - وسىنىڭ ءبارىن حيكايادان كورۋگە بولادى.
حيكايا كەيىپكەرلەرى ءوزىنىڭ بارلىق جاڭالىقتارىمەن جۋرنال بەتتەرىندە ءبولىسىپ وتىرادى. ستۋدەنتتەردى تولعاندىرىپ جۇرگەن ماسەلەلەردىڭ ماڭىزدى تاقىرىبىنا اينالعان ماقالالار حيكايانىڭ ءبىر- ءبىر سەرياسىنا اينالادى.
حيكايا زاماناۋي جاستاردىڭ ناعىز «ءومىر ەنتسيكلوپەدياسىنا» اينالا الادى. حيكايادا العا قويعان ماقسات، ىنتا جانە كىشكەنتاي عانا باتىلدىقتىڭ ارقاسىندا 17 جاستىڭ وزىندە سالماقتى ءارى تاۋەلسىز جان بولۋعا بولاتىنى كورسەتىلەدى.
