قاڭتارداعى ازاپتاۋلار تۋرالى شاعىمدار بويىنشا 329 قىلمىستىق ءىس قوزعالدى

بۇل تۋرالى پارلامەنت ءماجىلىسىنىڭ جالپى وتىرىسىندا ق ر باس پروكۋرورى بەرىك اسىلوۆ ءمالىم ەتتى، دەپ حابارلايدى قازاقپارات ءتىلشىسى.

«وكىنىشكە قاراي، حاوس كەزىندە كۇشتىك ورگانداردىڭ ءبىرقاتار قىزمەتكەرى ۇستالعاندارعا قاتىگەزدىك تانىتتى. بۇل جاعدايدى ەش نارسەمەن اقتاۋعا بولمايدى. پرەزيدەنت تاپسىرعانداي، ازاپتاۋ قولدانعان قىزمەتكەرلەر شەنىنە قاراماستان، ءتيىستى جازاسىن الادى»، - دەدى ب. اسىلوۆ.

ونىڭ ايتۋىنشا، ازاپتاۋلار تۋرالى شاعىمدار بويىنشا بارلىعى 329 قىلمىستىق ءىس قوزعالدى.

«ولاردىڭ باسىم بولىگى سىبايلاس جەمقورلىققا قارسى ءىس-قيمىل قىزمەتىنىڭ قاراۋىندا بولدى. ارنايى پروكۋرورلار پوليتسيا مەن ۇلتتىق قاۋىپسىزدىك كوميتەتىنىڭ 34 قىزمەتكەرىنە قاتىستى ءىستى تەرگەدى. الماتى وبلىسىنىڭ پوليتسيا عيماراتىندا 24 ادامدى ازاپتاۋ فاكتىلەرى تۋرالى ىستەر سوتقا جولداندى. سونداي- اق الماتى قالاسىنىڭ ۋاقىتشا ۇستاۋ يزولياتورىندا جانە بوستاندىق اۋدانىنىڭ پوليتسيا بولىمىندە 3 ادامدى ازاپتاۋ فاكتىسى بويىنشا ىستەر دە سوتقا جولداندى»، - دەدى باس پروكۋرور.

ونىڭ ايتۋىنشا، ازاپتاۋ سالدارىنان تالدىقورعاندا مۇقاشەۆتىڭ، الماتىدا وتەپبايەۆتىڭ، سەمەيدە جوتابايەۆتىڭ قايتىس بولۋ فاكتىلەرى بويىنشا تەرگەۋ اياقتالدى. ماتەريالدار بويىنشا تانىستىرۋ جۇرگەننەن كەيىن، قۇجات سوتقا جولدانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى