تالدىقورعاندا العاشقى كۇزدىك جارمەڭكەگە 324 توننا اۋىل شارۋاشىلىعى ءونىمى ۇسىنىلدى - فوتو
وبلىس ورتالىعى تۇرعىندارىمەن قاتار العاشقى كۇزگى جارمەڭكەگە وبلىس اكىمىنىڭ ءبىرىنشى ورىنباسارى ماحاببات بيگەلديەۆ پەن وبلىس اكىمىنىڭ ورىنباسارى سەرىكجان بەسكەمپىروۆ باردى.
وبلىستىڭ بارلىق اۋداندارى مەن قالالارىنىڭ تاۋار وندىرۋشىلەرى جارمەڭكەسىنە جالپى سوماسى 94,1 ملن. تەڭگەگە ساپالى جانە ەكولوگيالىق تازا ءونىمنىڭ 437 ءتۇرى ۇسىنىلدى. بۇل 45,5 توننا ەت، 12,78 توننا بالىق، 4,7 توننا ءسۇت، 39,58 توننا كارتوپ، 90 توننا كوكونىس، 22,6 توننا جەمىستەر مەن جالپى كولەمى 324,4 توننا باسقا دا ءتۇرلى ونىمدەر.
قالا تۇرعىندارى اتاپ وتكەندەي، ماۋسىمدىق جارمەڭكە جۇرگىزۋ - جاقسى ءداستۇر، اسىرەسە تومەن باعامەن ساتىلاتىن تاۋارلاردىڭ كەڭ اسسورتيمەنتى قۋانتادى.
تاۋارلارعا جانە كورسەتىلەتىن قىزمەتتەرگە باعانى تۇراقتاندىرۋ ماقساتىندا الماتى وبلىسىندا قۇرىلعان جەدەل شتاب وتىرىسىن وتكىزۋ بارىسىندا الماتى وبلىسى اكىمى ا. باتالوۆتىڭ تاپسىرمالارىنىڭ ءبىرى حالىقتى تومەن باعادا ساپالى وتاندىق اۋىل شارۋاشىلىعى ونىمدەرىمەن قامتاماسىز ەتۋ ءۇشىن تۇراقتى جارمەڭكە وتكىزۋ بولدى.
سونداي- اق وبلىستا تاپسىرما اياسىندا تاۋارلار مەن قىزمەتتەر باعالارىنا تۇراقتى مونيتورينگ، نەگىزسىز باعانىڭ ءوسۋىن باقىلاۋ ماقساتىندا كاسىپكەرلەر اراسىندا ءتۇسىندىرۋ جۇمىستارى جۇرگىزىلەدى، بۇل جۇمىسقا ءوڭىر باسشىسىنىڭ تاپسىرماسى بويىنشا «جەتىسۋ» اكك، «كازاگروماركەتينگ» اق فيليالى، مونوپولياعا قارسى ساياسات اۋماقتىق كوميتەتىنىڭ وكىلدەرى قوسىلدى.
ءبىرىنشى كەزەكتە باقىلاۋعا الەۋمەتتىك ماڭىزى بار ازىق- تۇلىكتەر، مەكتەپ كەرەك- جاراقتارى، دارىلىك زاتتار، سونداي- اق قىزمەت كورسەتۋ نىساندارى الىندى. باعانى تۇراقتاندىرۋ شاراسىن وبلىس، اۋدانداردا جۇمىس ىستەيتىن وڭىرلىك شتابتار جۇرگىزەدى. بۇل رەتتە وبلىستا الەۋمەتتىك دۇكەندەر مەن ساۋدا نۇستەلەرى جۇمىس ىستەيدى، جارمەڭكە وتكىزىلەدى، سەنىم تەلەفونى بار. تالدىقورعاندا «جەدەل جەلى» اشىلىپ، WhatsApp ارقىلى قالالىقتاردان ءوتىنىش قابىلدانادى.
