مىسىرعا بەت العان ا321 لاينەرى لاڭكەستىك قاۋپى سالدارىنان شۇعىل بۋداپەشتكە قوندى
پوليتسيانىڭ باسپا ءسوز قىزمەتى اۋە كومپانياسىنىڭ اتاۋى مەن ۇشاق مودەلىن اتامادى. كەي دەرەكتەرگە قاراعاندا، بۇل Condor اۋە كومپانياسىنىڭ A321 لاينەرى.
رەيتەر ۆەنگريا پوليتسياسىنىڭ باسپا ءسوز قىزمەتكەرىنە سىلتەمە جاساپ پوليتسەيلەر ۇشاقتى ءتىنتىپ جاتقانىن حابارلادى. الدىن الا مالىمەتتەرگە قاراعاندا، ونىڭ بورتىندا 130 جولاۋشى مەن 7 ەكيپاج مۇشەسى بولعان.
قازاننىڭ اياعىندا سيناي تۇبەگىندە رەسەيلىك "كوگالىماۆيا" كومپانياسىنىڭ A321 اۆيالاينەرى اپاتقا ۇشىرادى. ونىڭ بورتىندا بولعان 224 ادامنىڭ بارلىعى قازا تاپتى.
رەسەيلىك بيلىك مۇنى لاڭكەستىك دەپ اتادى. جاۋاپكەرشىلىكتى «يسلام مەملەكەتى» توبى موينىنا الدى.
وسىدان كەيىن رەسەي مىسىرعا ۇشاق ۇشىرۋدى ۋاقىتشا توقتاتتى. سونداي-اق بىرنەشە ەۋروپالىق مەملەكەت تە بۇل باعىتقا ۇشۋدى ۋاقىتشا توقتاتتى.
