قاراعاندىلىق مارافونشى زاڭعار الكەنوۆ 320 شاقىرىمدى باعىندىرماق

ول ءوزىنىڭ جۇگىرۋىن ارميا ءۇشىن ەرەكشە كۇن - 7 -مامىردا باستاۋدى جوسپارلاپ وتىر. ال ازىرشە الماتىداعى الاتاۋ باۋرايىندا قارقىندى جاتتىعۋلار وتۋدە، دەپ حابارلايدى قازاقپارات ءتىلشىسى.

2020 -جىلى زاڭعار قاراعاندى - اتاسۋ باعىتى بويىنشا 200 شاقىرىمدى ءساتتى ەڭسەرگەن بولاتىن. «قازىر ۋلترامارافوننىڭ ەكىنشى كەزەڭى - 320 شاقىرىم. الماتىدا ماماندار ناقتى جوسپار قۇرىپ، اعزا ءۇشىن قاجەتتى سۋ مولشەرىن ەسەپتەيدى»، - دەيدى زاڭعار الكەنوۆ.

مارافونشىنىڭ كوپتەگەن جەتىستىكتەرى بار. ول قازاق كۇرەسىنەن سپورت شەبەرى، دزيۋدودان سپورت شەبەرىنە ۇمىتكەر. 2012 -جىلى جاراقات العاننان كەيىن جەكپە- جەك ونەرىن ۇزاق قاشىقتىققا جۇگىرۋگە الماستىردى. 320 شاقىرىمدىق جۇگىرىستى GPS- ناۆيگاتور ارقىلى ونلاين رەجيمىندە باقىلاۋعا بولادى.

«ءبارى جاقسى دەڭگەيدە وتەدى دەپ ويلايمىن. ەگەر بۇل مارافون مەن ءۇشىن تابىستى بولسا، كەلەسى جىلى قاراعاندى - الماتى باعىتى بويىنشا 1000 شاقىرىم جۇگىرۋدى جوسپارلاپ وتىرمىن»، - دەيدى زاڭعار الكەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى