قوسشى قالاسىنىڭ اكىمدىگى 320-اۆتوبۋستىڭ 60 مينۋتقا كەشىگۋ سەبەبىن ءتۇسىندىردى
«№320-باعداردا 8 اۆتوبۋس جۇرەدى، ارالىعى 13-20 مينۋت. الايدا. 2023 -جىلى 18 -شىلدەدە 8 اۆتوبۋستىڭ ۇشەۋى تەحنيكالىق سەبەپتەرگە بايلانىستى باعداردا بولماعاننىڭ كەسىرىنەن ءجۇرۋ ارالىعى 60 مينۋتقا ۇزارعان. №320-باعداردىڭ ءجۇرۋ ارالىعى «City Transportation Systems» ج ش س ورتالىق ديسپەتچەرلىك قىزمەتىنىڭ باقىلاۋىنا الىنادى»، - دەلىنگەن اكىمدىك مالىمەتىندە.
اكىمدىك وكىلدەرى قازىرگى تاڭدا جۇرگىزۋشى مەن اۆتوبۋس سانىنىڭ جەتكىلىكسىز بولۋى مارشۋرتتىق اۆتوبۋستاردىڭ قاتىناۋ جيىلىگىن ۇلعايتۋعا كەدەرگى كەلتىرىپ وتىرعانىن ايتىپ وتىر.
«قوسشى قالاسىنا 4 باعدارمەن №302 (3 اۆتوبۋس)، 303 (14 اۆتوبۋس)، 320 (8 اۆتوبۋس)، 323 (3 اۆتوبۋس) باس-اياعى 28 اۆتوبۋس قىزمەت كورسەتەدى. اۆتوبۋستاردىڭ قوزعالىس ارالىعى 8 مينتۋتتان باستالادى. №320-باعداردىڭ ءجۇرۋ ارالىعى - 14-20 مينۋت. بۇگىنگى تاڭدا تاسىمالداۋشىلاردا جۇرگىزۋشىلەردىڭ (900 دەن استام ادام) جانە جىلجىمالى قۇرامنىڭ (400 گە جۋىق) جەتىسپەۋشىلىگىنە بايلانىستى، باعدارداعى اۆتوبۋس سانىن ۇلعايتۋ جانە ارالىقتى قىسقارتۋ قيىنعا سوعىپ وتىر. الايدا، كەستەلەر سانىنىڭ ۇلعايۋى 2023 -جىلى جىلجىمالى قۇرامدى ساتىپ العاننان كەيىن قوسىمشا قارالادى»، - دەپ جازىلعان رەسمي اقپاراتتا.
ايتا كەتەيىك، رەداكسيامىزعا قوسشى قالاسىنىڭ تۇرعىندارى 18-شىلدە كۇنى كەشكە قاراي قوسشى- استانا اراسىندا قاتىنايتىن №320-اۆتوبۋستى ءبىر جارىم ساعات بويى كۇتكەنىن ايتىپ شاعىمدانعان بولاتىن.
