اقمولا وبلىسىندا ءسۇت ءوندىرىسى 32,3 مىڭ تونناعا ۇلعايتىلماق

اقمولا وبلىستىق اۋىل شارۋاشىلىعى باسقارماسى باسپا ءسوز قىزمەتىنىڭ مالىمەتىنشە، ءوڭىردىڭ اگروونەركاسىپتىك كەشەنىن دامىتۋ باعىتىندا مەملەكەت تاراپىنان ايتارلىقتاي قولداۋ كورسەتىلىپ كەلەدى. بيىل قولداۋ كولەمى 106 ميلليارد تەڭگە بولدى، ونىڭ جارتىسىنا جۋىعى نەمەسە 46,6 ميلليارد تەڭگەسى - قايتارىمسىز سۋبسيديا.

«وبلىستا ءسۇت ءوندىرىسىن ارتتىرۋ باعىتىندا العاش رەت جەڭىلدەتىلگەن نەسيە باعدارلاماسى جۇزەگە اسىرىلا باستادى. جالپى، 6 مىڭ سيىرعا ارنالعان 7 ارنايى تاۋارلى ءسۇت فەرماسىن سالۋ ءۇشىن 15 ميلليارد تەڭگە جەڭىلدەتىلگەن نەسيە بەرىلەدى. بۇل جوبالاردى جۇزەگە اسىرۋ وبلىستا ءسۇت ءوندىرىسىن 32,3 مىڭ تونناعا ۇلعايتۋعا مۇمكىندىك بەرەدى»، - دەيدى ۆەدومستۆودان.

سونىمەن بىرگە، وڭىردە «اۋىل اماناتى» اۋىل حالقىنىڭ تابىسىن ارتتىرۋ باعدارلاماسى بويىنشا ءبىرىنشى كەزەڭدە اۋىل تۇرعىندارى ءۇشىن 1,2 ميلليارد تەڭگەگە (ورتاشا قارىز - 4,8 ميلليون تەڭگە) 250 شاعىن نەسيە بەرۋ ارقىلى 265 جۇمىس ورنىن اشۋ جوسپارلانعان.

«اۋىل شارۋاشىلىعى سالاسى اقمولا وبلىسى ەكونوميكاسىنىڭ نەگىزگى سەكتورلارىنىڭ ءبىرى سانالادى. سول سەبەپتى، اۋىل حالقىن قولداۋ جانە جۇمىسپەن قامتۋ ماقساتىندا بولىنەتىن نەسيە اۋىل شارۋاشىلىعى ونىمدەرىن ءوندىرۋدىڭ بارلىق دەرلىك باعىتتارىن (ەت جانە ءسۇت مال شارۋاشىلىعى، جىلقى شارۋاشىلىعى، قوي شارۋاشىلىعى، قۇس شارۋاشىلىعىن دامىتۋ، كارتوپ پەن كوكونىس ءوسىرۋ) قامتيتىن بولادى»، - دەپ تولىقتىردى ۆەدومستۆودان.

ايتا كەتسەك، بۇدان بۇرىن ەلىمىزدەگى ءاربىر ءۇشىنشى توننا ەت اقمولا وبلىسىندا وندىرىلەتىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى