قازگيدرومەت: جەلتوقساننىڭ 31-كۇنگى كۇن رايى بولجامى

كاسىپورىننىڭ بولجامىنا سايكەس، كەڭ اۋقىمدى، سۋىق انتيتسيكلون قازاقستان تەرريتورياسىنىڭ باسىم بولىگىندە جاۋىن- شاشىنسىز اۋا رايىن قالىپتاستىرادى.

تەك باتىس جانە وڭتۇستىك اۋدانداردا اتموسفەرالىق فرونتالدى بولىكتەردىڭ وتۋىنە بايلانىستى قار، وڭتۇستىكتە جاۋىن- شاشىن (جاڭبىر، قار) جاۋۋىنا ىقپال ەتەدى.

رەسپۋبليكا بويىنشا كەي جەرلەردە تۇمان تۇسەدى. الماتى وبلىسىنىڭ سولتۇستىگىندە تۇمان ءتۇسىپ، الاكول ماڭىندا جەلدىڭ كۇشى 18-23 م/س- قا جەتەدى.

قىزىولردا وبلىسىنىڭ سولتۇستىگىندە تۇمان ءتۇسىپ، تۇندە ورتالىعىندا جەلدىڭ سەكۋندىنا كۇشى 15-20 مەترگە جەتەدى.

جامبىل وبلىسىنىڭ سولتۇستىگى مەن تاۋلى اۋداندارىندا تۇمان ءتۇسىپ، جەلدىڭ كۇشى سەكۋندىنا 15-20 مەتر بولادى. شىعىس قازاقستان وبلىسىنىڭ سولتۇستىگى مەن وڭتۇستىگىندە تۇمان ءتۇسىپ، تۇندە وڭتۇستىگىندە جەل كۇشەيەدى، كۇشى 15-20 م/س.

اقمولا وبلىسىنىڭ وڭتۇستىگى مەن باتىسىندا، سولتۇستىك-قازاقستان، پاۆلودار وبلىستارىنىڭ وڭتۇستىگىندە، تۇركىستان وبلىسىنىڭ تاۋ جانە تاۋلى ايماقتارىندا، باتىس قازاقستان، اتىراۋ وبلىستارىنىڭ سولتۇستىك- باتىسىندا، ماڭعىستاۋ وبلىسىنىڭ ورتالىعىندا، قوستاناي وبلىسىنىڭ شىعىسىندا تۇمان ءتۇسۋى ىقتيمال.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى