الماتىدا جولدارىندا جىل باسىنان 31 جاياۋ جۇرگىنشى قازا بولدى
الماتى قالالىق اكىمشىلىك پوليتسياسىنىڭ مالىمەتىنشە، جىل باسىنان بەرى شاھاردا ورىن العان 933 جول-كولىك وقيعاسىنا جاياۋ جۇرگىنشىلەردىڭ قاتىسى بولعان. سالدارىنان 31 ادام قازا تاپتى. سونىمەن قاتار، بيىلعى جىلدىڭ توعىز ايىندا جول قوزعالىسى ەرەجەلەرىن ساقتاماعانى ءۇشىن 9 مىڭنان استام جاياۋ جۇرگىنشى اكىمشىلىك جاۋاپقا تارتىلدى.
«جىل سايىن جاياۋ جۇرگىنشىلەردىڭ قاتىسۋىمەن بولاتىن جول- كولىك وقيعالارىنىڭ سانى ارتىپ كەلەدى. جول قوزعالىسىنا قاتىسۋشىلاردىڭ ءارقايسىسى، ەڭ الدىمەن، ءوز قاۋىپسىزدىگىن ويلاپ، جول قوزعالىسى ەرەجەلەرىن قاتاڭ ساقتاۋى كەرەك. بالالار اتا-اناسىنىڭ ىستەگەنىن قايتالايدى. سوندىقتان ۇلكەندەر وزدەرىنە جانە بالاسىنا ءقاۋىپسىز ورتا قۇرۋ ءۇشىن دۇرىس ۇلگى كورسەتۋى كەرەك. جاياۋ جۇرگىنشىلەردى جولدارداعى ءتارتىپتى جاقسارتۋعا شاقىرامىز»، - دەدى الماتى قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى نۇرلان امانبەك.
