تۇركيا پرەزيدەنتى 31-ناۋرىزدا تۇركىستاندا وتەتىن ت م ى ك بەيرەسمي سامميتىنە شاقىرۋ الدى
بۇل تۋرالى قازاقپارات ق ر س ءى م سىلتەمە جاساپ حابارلايدى.
ساپار بارىسىندا م. تىلەۋبەردىنى تۇركيا پرەزيدەنتى رەجەپ تايىپ ەردوعان قابىلدادى. مينيستر قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ اعىمداعى جىلعى 31-ناۋرىزدا تۇركىستان قالاسىندا وتەتىن تۇركى تىلدەس مەملەكەتتەر ىنتىماقتاستىعى كەڭەسىنىڭ بەيرەسمي سامميتىنە شاقىرۋدى تاپسىردى. سونداي- اق، تۇركيا باسشىسىنا قازاقستان پرەزيدەنتى قاسىم- جومارت توقايەۆتىڭ جەكە جولداۋى تابىس ەتىلدى. انكاراعا ساپارى اياسىندا ەكى ەلدىڭ سىرتقى ساياسي ۆەدومستۆولارى باسشىلارىنىڭ توراعالىعىمەن بىرلەسكەن ستراتەگيالىق جوسپارلاۋ توبىنىڭ 6-شى وتىرىسى ءوتتى.
ءىس- شارا بارىسىندا تاراپتار ەكىجاقتى قارىم- قاتىناستاردىڭ كۇن تارتىبىندەگى باسىم ماسەلەلەردى تالقىلادى. اتاپ ايتقاندا، تاراپتار ساياسي، ساۋدا- ەكونوميكالىق، كولىك- لوگيستيكالىق جانە مادەني- گۋمانيتارلىق ىنتىماقتاستىقتى ودان ءارى دامىتۋ جولدارىن قاراستىردى. م. تىلەۋبەردى ءوز سوزىندە تۇركيا ەۋرازيا قۇرلىعىنداعى قازاقستاننىڭ ماڭىزدى، ستراتەگيالىق جانە سەنىمدى سەرىكتەسى بولىپ تابىلاتىنىن اتاپ ءوتتى.
«قازاقستان مەن تۇركيا اراسىنداعى ەكىجاقتى ىنتىماقتاستىقتىڭ تۇراقتى جوعارى دەڭگەيىن قاناعاتتانۋشىلىقپەن اتاپ وتەمىز. باۋىرلاس حالىقتارىمىزدىڭ اراسىنداعى مىزعىماس دوستىق پەن جوعارى دەڭگەيدەگى ساياسي ديالوگ ءبىزدىڭ ءوزارا ءتيىمدى ستراتەگيالىق ارىپتەستىگىمىزدى تەرەڭدەتۋگە تولىق مۇمكىندىك بەرەدى»، - دەدى قازاقستان س ءى م باسشىسى. م. چاۆۋشوگلۋ، ءوز كەزەگىندە، قازاقستان- تۇركيا ىنتىماقتاستىعىنىڭ بەرىك نەگىزى مىقتى ەكونوميكالىق بايلانىستار بولىپ تابىلاتىنىن جانە ولاردى قولدا بار بارلىق الەۋەتتى پايدالانىپ، نىعايتۋ قاجەت ەكەنىن اتاپ ءوتتى.
سونداي- اق، تۇرىك ءمينيسترى قازاقستان «بارلىق تۇرىكتەردىڭ تاريحي وتانى» ەكەنىن جانە تۇركيا ءبىزدىڭ حالىقتارىمىزدىڭ اراسىنداعى رۋحاني بايلانىستارعا ۇلكەن ءمان بەرەتىنىن اتاپ ءوتتى. تاراپتار قازاقستان مەن تۇركيا اراسىنداعى ىنتىماقتاستىقتىڭ دامۋ قارقىنىنا تەرەڭ قاناعاتتانۋشىلىق ءبىلدىرىپ، ەكىجاقتى جانە كوپجاقتى فورماتتاعى ارىپتەستىكتى ودان ءارى نىعايتۋعا ءوزارا ۇمتىلىستى اتاپ ءوتتى.
نۇر- سۇلتان مەن انكارانىڭ وڭىرلىك جانە جاھاندىق ساياساتتاعى ءرولى، سونداي- اق تۇركى الەمىندەگى ەكى ەلدىڭ بەدەلى ارتا تۇسكەنى اتاپ ءوتىلدى. بيىل ەلىمىز تاۋەلسىزدىكتىڭ 30 جىلدىعىن اتاپ وتۋدە جانە تۇركيا حالىقارالىق ارەنادا ءبىزدىڭ تاۋەلسىزدىگىمىزدى العاشقىلاردىڭ ءبىرى بولىپ تانىدى. كەلەسى جىلى قازاقستان مەن تۇركيا ديپلوماتيالىق قاتىناستاردىڭ ورناعانىنا 30 جىل تولۋىن اتاپ وتەدى. وسى جىلدار ىشىندە ەلدەر اراسىنداعى ەكىجاقتى ىنتىماقتاستىق ستراتەگيالىق ارىپتەستىك دەڭگەيىنە جەتتى. قازاقستان مەن تۇركيا ەكىجاقتى، وڭىرلىك جانە حالىقارالىق الاڭداردا تىعىز ءوزارا ءىس- قيمىل جاساسۋدا. ساۋدا- ەكونوميكالىق جانە ينۆەستيتسيالىق سالالارداعى ءوزارا تابىستى ءىس- قيمىل ەرەكشە اتاپ ءوتىلدى.
كوروناۆيرۋستىق پاندەمياعا قاراماستان، ەكى جاقتى تاۋار اينالىمى 3 ميلليارد ا ق ش دوللارىنان استى جانە تاراپتار بۇل كورسەتكىشتى 10 ميلليارد ا ق ش دوللارىنا دەيىن جەتكىزۋگە نيەتتى. كەزدەسۋ سوڭىندا قازاقستان مەن تۇركيا س ءى م باسشىلارى ديالوگتى جالعاستىرۋعا جانە ەكىجاقتى قاتىناستاردىڭ بارلىق ماسەلەلەرىن ستراتەگيالىق ارىپتەستىك نەگىزىندە دايەكتى تۇردە شەشۋگە نيەت ءبىلدىردى.
سول كۇنى قازاقستان س ءى م باسشىسى تۇركيا ۆيتسە- پرەزيدەنتى فۋات وكتايمەن كەزدەسۋ وتكىزدى. تاراپتار قر پرەمەر- ءمينيسترى ا. مامين مەن ف. وكتايدىڭ ءوزى تەڭ ءتوراعالارى بولىپ تابىلاتىن ۇكىمەتارالىق كوميسسيانىڭ كەزەكتى 12-وتىرىسىنا دايىندىقتى تالقىلادى. ەسكە سالساق، تۇركىستاندا تۇركى تىلدەس مەملەكەتتەردىڭ ىنتىماقتاستىق كەڭەسىنىڭ بەيرەسمي ءسامميتى وتەتىندىگى تۋرالى حابارلاعان بولاتىنبىز.
