كوروناۆيرۋسقا بايلانىستى شەكتەۋ 31- قاڭتارعا دەيىن ۇزارتىلدى
ەلدە ءبىر اپتا ىشىندە 100 مىڭ ادامعا شاققاندا 200 دەن استام ينفەكتسيا جۇقتىرۋ انىقتالعان اۋدانداردا شەكتەۋ كۇشەيتىلەتىن بولدى.
بۇل تۋرالى گەرمانيا كانتسلەرى انگەلا مەركەل فەدەرالدى جەرلەردىڭ پرەمەر-مينيسترلەرىمەن بىرلەسكەن وتىرىس سوڭىندا مالىمدەدى. ونىڭ ايتۋىنشا، ءاربىر 100 مىڭ ادامعا شاققانداعى اۋرۋعا شالدىعۋ جاعدايىنىڭ سانىن 50 گە دەيىن ازايتۋ مىندەتى تۇر.
بۇل كوروناۆيرۋستىڭ جاڭا مۋتاتسياسىنىڭ تارالۋى جاعدايىندا وتە ماڭىزدى. 10- قاڭتارعا دەيىن كۇشىنە ەنگەن شەكتەۋلەر، مىسالى، بولشەك ساۋدا جەلىسى مەن مەيرامحانا ءۇشىن ءۇش اپتا - 31- قاڭتارعا دەيىن ۇزارتىلدى. بالاباقشا مەن مەكتەپتەر 31- قاڭتارعا دەيىن جابىق بولادى. قاجەت بولعان جاعدايدا بالالارعا كۇتىم جاساۋدا شۇعىل كومەك كورسەتىلۋى مۇمكىن، ساباق بۇرىنعىداي قاشىقتان وتكىزىلەدى. سونىمەن قاتار، اتا-انالار بالا كۇتىمى ءۇشىن اقىلى دەمالىس الۋىنا بولادى.
تۇرعىن كوروناۆيرۋستىڭ تارالۋ قاۋپى جوعارى «قاۋىپتى ايماقتاردان» كەلگەن كەزدە مىندەتتى تۇردە تەست تاپسىرىپ، 10 كۇندىك كارانتينگە جاتقىزۋ ەنگىزىلەدى.
ەسكە سالا كەتسەك، 2020-جىلعى 16- جەلتوقساننان باستاپ گەرمانيادا قاتاڭ لوكداۋن ەنگىزىلگەن بولاتىن، ول باستاپقىدا كەم دەگەندە 2021-جىلدىڭ 10- قاڭتارىنا دەيىن سوزىلادى دەپ جوسپارلانعان.
